Нагодай для скаргі стала тое, што адразу пасьля заканчэньня судовага паседжаньня судзьдзя Дранькова разам з прадстаўніком абвінавачаньня па справе накіравалася ў краму, дзе яны куплялі сьпіртное. Іваноў палічыў такія дзеяньні непрацэсуальнымі адносінамі. Надоечы быў атрыманы адказ з адміністрацыі прэзыдэнта:

“Разгледзеўшы Ваш зварот наконт пытаньня непрацэсуальных адносін судзьдзі суду Аршанскага раёну і г. Воршы Драньковой А.А. з начальнікам Магілёўскай міжраённай інспэкцыі аховы жывёльнага і расьліннага сьвету Мельнікавым Д.А., паведамляем наступнае.

Вярхоўным Судом па выніках праверкі пацьверджаная прадстаўленая Вамі інфармацыя аб сумеснай паездцы на аўтамабілі і наведваньні крамы судзьдзёй Драньковой А.А. і Д.А.Мельниковым пасьля судовага паседжаньня.

У сувязі з гэтым, пытаньні ўзаемаадносін судзьдзяў з работнікамі праваахоўных органаў, якія прадстаўляюць у судзе бок абвінавачаньня альбо ўдзельнічаюць у складаньні працэсуальных дакумэнтаў, што разглядаюцца ў судох, сталіся прадметам прынцыповага абмеркаваньня судзьдзямі і іншымі супрацоўнікамі суду Аршанскага раёну і г. Воршы.

Дапушчаны факт неабачлівасьці судзьдзі Драньковой А.А. у пазаслужбовых зносінах са службовай асобай інспэкцыі, які склаў пратакол і зьяўляўся стараной па справе пра адміністрацыйнае правапарушэньне, разгледжаны на паседжаньні прэзыдыюму Віцебскага абласнога суду.

Да судзьдзі Драньковой А.А. прыняты адпаведныя меры ўзьдзеяньня, якія, на думку адміністрацыі прэзыдэнта Рэспублікі Беларусь і Вярхоўнага Суду, зьяўляюцца дастатковымі.

Беручы пад увагу выкладзенае, мяркуем, што падстаў для прыняцьця іншых мер па Вашым звароце з боку адміністрацыі прэзыдэнта Рэспублікі Беларусь ня маецца”.

Паводле orsha.eu