Абапіраючыся на абзац 4 артыкулу 11 разьдзелу 3 Закону Рэспублікі Беларусь “Аб апэратыўна-пошукавай дзейнасьці” першы намесьнік кіраўніка УУС Віцебскага аблвыканкаму падкрэсьлівае, што ніякіх парушэньняў закону з боку супрацоўнікаў праваахоўных ворганаў выяўлена не было. “Падчас правядзеньня апэратыўна-пошукавых мерапрыемстваў выкарыстоўваюцца інфармацыйныя сыстэмы, відэа- і аўдыёзапіс, кіна- і фотаздымкі, а таксама іншыя тэхнічыя і іншыя сродкі, што не наносяць шкоды здароўю людзей і навакольнаму асяродзьдзю”, - спасылаецца ён на Закон.
Аднак такі адказ не задавальняе віцебскіх актывістаў. Яны зьбіраюцца азнаёміцца з матэрыяламі праверкі і, калі спатрэбіцца, абскардзіць іх у судзе ці вышэйшых інстанцыях. “Па-першае, трэба азнаёміцца з матэрыяламі праверкі і абскардзіць прынятае УУС Віцебскага аблвыканкаму рашэньне ў МУС Рэспублікі Беларусь. Трэба напісаць новую скаргу: на тое, што супрацоўнікі праваахоўных ворганаў не прадстаўляліся на запатрабаваньне наведвальнікаў клюбу. Таксама яны паводзіліся з намі вельмі некарэктна. На гэтыя пункты нашай скаргі УУС Віцебскага аблвыканкаму не адказала”, - удакладніў актывіст Алег Квяцінскі.