Намесьнік міністра таксама адзначыў, што ў Беларусі падрыхтоўка да аборту займае ня менш за сем дзён, а значыць жанчыны заўсёды маюць магчымасьць адмовіцца ад яго правядзеньня. А лекары, піша Піневіч, заўжды маюць права не рабіць аборты, калі гэта супярэчыць іх поглядам і не пагражае жыцьцю пацыенткі. Неабходнасьць жа згоды бацькі на правядзеньне аборту намесьнік міністра лічыць не патрэбнай, бо гэта, паводле яго словаў, парушыць гендэрную роўнасьць.

“Акрэсьленыя ў адказе пункты ня маюць нічога агульнага з плянаваньнем сям’і. Дый самі габінэты па плянаваньні сям’і працуюць толькі фармальна і ня маюць ніякіх птрэбных матэрыялаў. Меркаваньне бацькі зачатага дзіцяці абсалютна ігнаруецца. Мяркуючы з адказу, дзяржава не зьбіраецца рабіць нічога, каб спыніць забойствы і выміраньне беларусаў. Такая палітыка злачынная”, - адзначыла Тацьцяна Севярынец.

Крыніца: Прэсавая служба БХД