За першы квартал на тэрыторыі Віцебскай вобласьці нарадзілася 3 075 чалавек, памерла 4 553 чалавек. Натуральнае зьмяншэньне насельніцтва (перавышэньне сьмяротнасьці над нараджальнасьцю) склала 1 478 чалавек і было крыху кампэнсаванае міграцыйным прыростам, які павялічыўся ў параўнаньні з аналягічным пэрыядам мінулага году.

Натуральны прырост, зьмяншэньне (-) насельніцтва па абласьцёх і Менску ў I квартале 2014 году

Паводле апэратыўных дадзеных, колькасьць насельніцтва Беларусі на 1 Красавіка 2014 году склала 9 467 тыс. чалавек. Натуральнае зьмяншэньне насельніцтва ў студзені-сакавіку 2014 году ў параўнаньні з адпаведным пэрыядам 2013 году паменшылася на 34,9% і склала 3 621 чалавек. Міграцыйны прырост у студзені-сакавіку 2014 году склаў 2 432 чалавекі.

Колькасьць жыхароў за студзень-сакавік павялічылася толькі ў Менску, у астатніх рэгіёнах краіны колькасьць жыхароў за гэты час зьменшылася.

Колькасьць насельніцтва па абласьцёх і Менску

У студзені-сакавіку 2014 году ў краіне нарадзілася 27 690 дзяцей, памерла - 31 311 чалавек. У цэлым па краіне ў студзені-сакавіку 2014 году колькасьць памерлых перавысіла колькасьць народжаных на 13,1% (за аналягічны пэрыяд мінулага году - на 19,8%).

Па выніках першага кварталу Віцебшчына працягвае ўтрымліваць сумнае лідэрства: займае першае месца па паказчыку натуральнага зьмяншэньня насельніцтва (1 478 чалавек), дэманструе самы нізкі ў краіне каэфіцыент нараджальнасьці (10,4 пры сярэднім у краіне 11,9) і знаходзіцца на першым месцы па каэфіцыенце сьмяротнасьці (15,4 пры сярэднім у краіне 13,4).

Крыніца: Хімік.інфо