Вернікі  распавядаюць таксама, што ў справе святара гаворка ідзе пра падзеі прыкладна 10-гадовай даўніны. Людзі лічаць, што абвінавачанне  збудавана на сумніўных паказаннях.

Прысуд Шумілінскага райсуда святар спрабаваў аспрэчыць у Віцебскім абласным судзе, але безвынікова. Пра тое, што ксяндза Анджэя Юхневіча этапавалі ў бабруйскую папраўчую калонію,  выданню katolik.life таксама стала вядома  ад вернікаў шумілінскай парафіі.  

Пробашч шумілінскай рыма-каталіцкай парафіі  Божай Маці Фацімскай быў затрыманы 8 траўня 2024г. разам з другім шумілінскім ксяндзом, Паўлам Лемехам.  Затрыманне ксяндзоў  адбылося ў Шуміліне пасля сустрэчы святароў і кансэкраваных асобаў у шумілінскім санктуарыі Маці Божай Фацімскай, абодвух спачатку асудзілі па “палітычным” адміністрацыйным артыкуле за “пікетаванне ў сацсетках”. Адбыўшы прысуджаны арышт, ксёндз Павел Лемех выйшаў на волю. Ксяндза Анджэя Юхневіча судзілі па палітычна матываваных адміністрацыйных артыкулах яшчэ двойчы.

Праваабарончая супольнасць прызнала Анджэя Юхневіча палітычным вязнем.

Ларыса Горына