На думку маці палітвязня, Таццяны Севярынец, непасрэдна перад этапам ён мог трапіць у ШІЗА, дзе забаронена перапіска. Такім чынам з ім маглі абысціся ў ПК-17, дзе яшчэ ў красавіку зняволенага палітыка, журналіста і літаратара паставілі на ўлік як злоснага парушальніка рэжыму. Следам пачаліся захады ўціску: скарацілі дазволеную колькасць званкоў дадому і грашовых пераводаў, а пазней пазбавілі і працяглага спаткання. Неўзабаве адміністрацыя калоніі звярнулася ў суд, каб рэжым утрымання стаў яшчэ больш жорсткі – турэмны. Паводле заканадаўства, менавіта з калоніі мусілі б паведаміць, куды пераводзяць іхнага былога вязня. Але родныя не атрымалі паведамленняў ні з ПК-17, ні ад самога Паўла.

7 чэрвеня 2020г. Севярынца затрымалі і абвінавацілі ў «падрыхтоўцы масавых беспарадкаў». 25 траўня 2021 г. яму прысудзілі сем гадоў калоніі ва ўмовах строгага рэжыму. Па рашэнні Шклоўскага райсуду ўтрыманне ў калоніі на бліжэйшыя тры гады зменена на турэмнае зняволенне.

Станіслаў Іваноўскі