Цалкам магчыма, што гэты будынак ужо не задавальняе сучасным патрабаваньням. Аднак разьмешчаны яно ў самым гістарычным цэнтры Воршы, у 100 мэтрах ад гарадзішча. Пад будынкам пажарнай часткі знаходзяцца падмуркі вежаў і муроў легендарнага Аршанскага замка.
З гэтай прычыны выклікае зьдзіўленьне, што працы па рэканструкцыі вядуцца пры поўнай адсутнасьці ўзгадненьня з Інстытутам гісторыі Акадэміі навук Беларусі, як таго патрабуе дзейнае заканадаўства ў галіне аховы гісторыка-культурнай спадчыны. Больш таго, праект рэканструкцыі ў самым гістарычным цэнтры ня выставілі на грамадзкія слуханьні.