Зрэшты, у артыкуле «Как устранить проблемы с оборудованием на детских площадках в Витебске, разбиралась корреспондент «ВВ» згаданы ўсяго тры віцебскія двары: на вуліцы Герцэна, на праспекце Перамогі і на Маскоўскім праспекце. Усё гэта двары каля адносна новых дамоў, таму журналістам варта было б пацікавіцца, што робіцца каля так званых «хрушчовак», дзе «горкам» і турнікам бывае столькі ж гадоў, колькі і самім дамам, збудаваным у 1960-х... Але нават у тых дварах, якія наведалі аўтары артыкула, былі заўважаны праблемы. У прыватнасці, адсутнасць борцікаў у «горак» і выбітыя глыбокія яміны на месцы «прызямлення».

Што, здавалася б, прасцей за падсыпку пяску, каб дзеці маглі бяспечна катацца, не рызыкуючы атрымаць траўму? З каментара Ірыны Тарасевіч, начальніцы аддзела абласной пракуратуры па наглядзе за выкананнем заканадаўства аб непоўналетніх, вынікае, што адказнымі за стан дзіцячых пляцовак з“яўляюцца або таварыства ўласнікаў дома, або ЖКГ – калі пляцоўка месціцца на тэрыторыі агульнага карыстання.

Паводле прадстаўніцы пракуратуры, пытанні неналежнага стану абсталявання дзіцячых пляцовак паўстаюць штогод, і пракуратура абавязвае гаспадароў усё выправіць, «але праблем усё адно хапае».

Таму выснова артыкула наступная: дарагія бацькі, паколькі ў небяспецы вашы ўласныя дзеці, то турбуйце ЖКГ самі, раз камунальнікі не спяшаюцца выконваць свае прафесійныя абавязкі. Усё бы нічога, але мы ўсе ведаем, як «хутка» камунальныя службы адгукаюцца на заяўкі гараджан. Некаторыя з іх «вісяць» на сайце 115.бел месяцамі, а за такі час можа здарыцца ўсё, што заўгодна.

Жанна Жалейка