Насуперак вызначаным патрабаваньням дамовы куплі-продажу аб’ектаў нерухомасьці камунальнай уласнасьці не заўсёды рэгіструюцца ў адзіным дзяржаўным рэгістры нерухомай маёмасьці, правоў на яе і зьдзелак зь ёю. Не заўсёды ва ўстаноўленым парадку вызначаюцца канкрэтныя тэрміны выкананьня гэтых умоваў, што абцяжарвае ажыцьцяўленьне кантролю за выкананьнем заключаных дамоваў.

Праверкай выяўленыя факты неналежнага кантролю з боку райвыканкамаў за выкарыстаньнем аб’ектаў нерухомасьці, перададзеных пад рэалізацыю інвэстыцыйных праектаў, а таксама выпадкі, калі парушэньні заканадаўства, зьвязаныя зь невыкананьнем пакупнікамі абавязковых умоваў продажу аб’ектаў нерухомасьці і неналежным кантролем райвыканкамаў за гэтай працай, прыводзілі да значнага пагаршэньня стану аб’ектаў, іх разбурэньня.

Прычынамі і ўмовамі выяўленых парушэньняў заканадаўства зьяўляюцца адсутнасьць сыстэмнай працы па кантролі за распараджэньнем дзяржаўнай маёмасьцю, фармальны падыход да правядзеньня названай працы з боку службовых асоб гаррайвыканкамаў, а таксама Віцебскага абласнога тэрытарыяльнага фонду дзяржмаёмасьці “Віцебскаблмаёмасьць”, недастатковае веданьне гэтымі працаўнікамі патрабаваньняў дзейнага заканадаўства і адсутнасьць належнага кантролю з боку кіраўніцтва за працай падначаленых, канстатавала Натальля Сеўрукова.

Яна таксама адзначыла , што выяўленыя парушэньні сьведчаць пра недастаткова эфектыўнае распараджэньне дзяржаўнай маёмасьцю і патрабуюць прыняцьця дадатковых мер па належнай арганізацыі працы ў гэтым накірунку дзейнасьці.

“Па выніках праверкі пракуратура вобласьці ўнесла ў Віцебскі аблвыканкам прадстаўленьне аб ліквідацыі парушэньняў заканадаўства аб распараджэньні дзяржаўнай маёмасьцю, у тым ліку пры адчужэньні маёмасьці пад рэалізацыю інвэстпраектаў, прычын і ўмоваў, якія ім спрыяюць. Запатрабавана ўзмацніць папытаньне з адказных асоб за стан працы ў гэтай сфэры дзейнасьці і арганізаваць належны кантроль за перадачай нерухомай маёмасьці, якая знаходзіцца ў дзяржаўнай уласнасьці, пад рэалізацыю інвэстыцыйных праектаў”, - дадала пракурор.

Крыніца: БелТА