Калі казаць дакладна, то за «незаконнае пікетаванне» Андрэя Буку апошні раз судзілі 28 кастрычніка мінулага года. Тады ён быў асуджаны да арышту на 5 сутак, але адбываць пакаранне адразу пасля суду актывіста не забралі.

У сакавіку 2023 года Буку судзілі паводле артыкула 19.10 КаАП (Прапаганда або публічнае дэманстраванне, выраб, распаўсюджванне нацысцкай сімволікі або атрыбутыкі) за аватарку з бел-чырвона-белым сцягам у сацыяльнай сетцы “Фэйсбук”. Тая ж суддзя Аксана Табола пакарала мужчыну штрафам памерам 30 базавых велічыняў ( на той час 1 110 рублёў). Перад тым у шаркоўшчынскага актывіста правялі ператрус і забралі ноўтбук.

15 траўня 2024 года суд Кастрычніцкага раёна Віцебска прызнаў «экстрэмісцкай» інфармацыйнай прадукцыяй змест Тэлеграм-канала Андрэя Букі «Думкі ўслых».

Сяргей Муран