Медыкаў, затрыманых 19 траўня ў Наваполацкай цэнтральнай гарадской лякарні пасля таго, як туды прывозілі на шпіталізацыю палітвязня Віктара Бабарыка.

Хірурга Міхаіла Пачкоўскага і ўролага Паўла Стальмакова арыштавалі на 15 сутак па арт. 19.11 КаАП (распаўсюджванне, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую ​​дзейнасць).

Загадчыца аддзялення гінекалогіі Ірына Васільева і фельчар хуткай дапамогі Наталля Первененак атрымалі па 10 сутак арышту па арт. 24.23 КаАП (парушэнне парадку арганізацыі або правядзення масавых мерапрыемстваў). Вядома, што другую з іх асудзілі за аватарку са сцягам Украіны. УГД-спецыяліста Алу Стальмакава аштрафавалі на 3700 рублёў. Суд улічыў той факт, што ў Алы на ўтрыманні знаходзяцца двое непаўналетніх дзяцей.

Анатоль Глаз