На Віцебшчыне расьце колькасьць падлеткаў – курцоў спайсу
Яшчэ ня так даўно айчынныя СМІ стракацелі артыкуламі пра трагічныя выпадкі ў Менску, прычынай якіх стала курэньне сінтэтычных курыльных сумесяў (так званых спайсаў, міксаў). Сёньня мы ўжо ня можам сьцьвярджаць, што гэта толькі сталічная бяда - пранікаюць спайсы і ў падлеткавае асяродзьдзе Віцебскай вобласьці.
У Віцебску распачаты збор сродкаў на помнік Васілю Быкаву
Напярэдадні 90-х угодкаў Васіля Быкава створаная ініцыятыўная група па зборы сродкаў на помнік пісьменьніку ў Віцебску. З прапановай усталяваць помнік выступілі шараговыя месьцічы. Ініцыятыўная група зьвяртаецца да жыхароў Віцебшчыны і ўсёй Беларусі, а таксама да грамадзян іншых краін з просьбай узяць удзел у гэтай дабрачыннай акцыі.
Віцебскі абласны суд не задаволіў скаргу Георгія Станкевіча
Настаўнік зь Бешанковічаў, паэт і бард Георгі Станкевіч хацеў аспрэчыць рашэньне раённага суду. 3 красавіка яго аштрафавалі на 7 з паловай мільёнаў рублёў (50 базавых велічынь) за выраб і распаўсюд газэты “Крывінка”, якая выдаецца на ўласныя сродкі заснавальніка.
Незалежная псыхіятрычная экспэртыза не пацьвердзіла дыягназ доктара Пастнова
Паводле высноваў адмыслоўцаў з грамадзкай арганізацыі «Незалежная псыхіятрычная асацыяцыя Расеі», падставаў для прымусовай шпіталізацыі віцебскага «лекара-праўдаруба» ў «псыхушку» не было. У красавіку Ігар Пастноў езьдзіў у Маскву на незалежны агляд, бо імкнуўся аспрэчыць дыягназ, пастаўлены яму віцебскімі псыхіятрамі. Таксама ён імкнуўся спраўдзіць, ці была неабходнасьць «ізаляваць» яго ад грамадзтва шляхам прымусовага зьмяшчэньня ў псыхіятрычнае аддзяленьне паводле рашэньня суду.
Сельгаспрадпрыемствы Віцебскай вобласці нясуць страты
Па выніках работы аграрнай галіны ў 2013 годзе Віцебская вобласьць - адзіная ў краіне - атрымала страту ад рэалізацыі прадукцыі ў памеры Вr45,8 млрд. Пра гэта паведаміў на нарадзе ў Талачынскім райвыканкаме па праблемных пытаньнях у АПК Віцебскай вобласьці прэм’ер-міністар Беларусі Міхаіл Мясьніковіч.
Віцебскую ГЭС будуць будаваць кітайцы за кошт кітайскага крэдыту
16 траўня Аляксандар Лукашэнка падпісаў указ №219 “Аб будаўніцтве Віцебскай ГЭС на рацэ Заходняя Дзьвіна”. Згодна з дакумэнтам, да 1 студзеня 2019 году будзе зьдзейсьненае комплекснае будаўніцтва Віцебскай ГЭС. Кантракт на будаўніцтва падпісалі РУП “Віцебскэнэрга” і кітайская кампанія China National Electric Engineering Co., Ltd.
Міліцыянты апытваюць сваякоў і суседзяў заснавальніка наваполацкага незалежнага сайту
Вадзім Драздоў ужо некалькі гадоў жыве ў Швэйцарыі, але да падзеяў на Беларусі ён неабыякавы. Таму заснаваў незалежны інтэрнэт-рэсурс freeregion.info, дзе зьмяшчаюцца крытычныя матэрыялы на палітычныя тэмы, а таксама вядуць свае блогі вядомыя ў рэгіёне асобы. Нядаўна стала вядома, што міліцыя праводзіць праверку, ці не парушыў Вадзім Драздоў беларускае заканадаўства.
У Лучаі адбыўся фэст памяці сьвятога Андрэя Баболі
У Лучаі Пастаўскага раёну маліліся за Беларусь. Там прайшоў фэст з нагоды ўспаміну беларускага пакутніка Андрэя Баболі. “Ён скончыў жыцьцё ў страшэнных пакутах – кажа ксёндз Марат Казлоўскі, - але не адрокся ад сваёй ідэі еднасьці хрысьціян”. За свае перакананьні яго забілі ў Янаве Палескім, зараз горад Іванава Берасьцейскай вобласьці.
У Віцебску на мужчыну абвалілася сьцяна ў гаражы
Мясцовыя выратавальнікі атрымалі паведамленьне ад гаспадыні гаража. Паводле яе словаў, на мужчыну абвалілася сьцяна назіральнай ямы гаража. Як паведамляе прэс-служба МНС, 27-гадовы мужчына па дамове з гаспадыняй бэтанаваў падлогу назіральнай ямы. У гэты час і абвалілася адна з цагляных сьцен. Мужчыну заваліла пластом грунту.
Жыхары Віцебшчыны пажаліліся старшыню Камітэту дзяржкантролю пра свае жытловыя праблемы
Асноўная частка зваротаў да старшыні Камітэту дзяржаўнага кантролю Аляксандра Якабсона 16 траўня пад час простай тэлефоннай лініі ў Віцебскім гарвыканкаме была зьвязаная з прыватызацыяй, будаўніцтвам і рамонтам жытла. За дзьве гадзіны на простую лінію паступіла 16 тэлефанаваньняў. З пытаньнямі да старшыні КДК зьвярталіся ня толькі віцебчукі, але і жыхары раёнаў.