У Полацку затрымалі Алеся Круткіна – з аблогай, АМАПам і ператрусам
У сераду 3 чэрвеня ў сваім доме ў Полацку быў затрыманы мясцовы актывіст і блогер Алесь Круткін. Паводле паведамленьняў Алеся ў сацсетках, яго затрымлівалі 7 супрацоўнікаў МУС, у тым ліку амапаўцы. Пасьля затрыманьня ў доме правялі ператрус, канфіскавалі аргтэхніку.
Патаемныя суды ў Воршы, Віцебску, Полацку і Наваполацку
Удзельнікаў стрымаў блогера Сяргея Ціханоўскага, якія праходзілі на Віцебшчыне, абвінавацілі ў парушэньні заканадаўства пра масавыя мерапрыемствы. Суды праходзілі патаемна: сябрам і нават сваякам рэдка калі ўдавалася трапіць на працэсы, піша Беларускае Радыё Рацыя.
Полацкія ўлады адказалі на пэтыцыю супраць будаўніцтва кадэцкай вучэльні каля Сафіі
На патрабаваньне спыніць будоўлю кадэцкай вучэльні каля Сафійскага сабору на Верхнім Замку ў Полацку, мясцовыя ўлады адказалі, што працы «праводзяцца ў межах існага заканадаўства аб ахове гісторыка-культурнай спадчыны і Кодэксу аб культуры». Сьцьвярджаюць, што вядзецца археалягічнае назіраньне, а мэханічная вібрацыя – пад кантролем.
У Полацку праз суд выселілі 29 жыхароў – не плацілі за камунальныя паслугі
У 2019 годзе суд Полацкага раёну і гораду Полацку разгледзеў 66 пазоваў аб высяленьні наймальнікаў памяшканьняў дзяржаўнага жылфонду і іхных сем’яў без забесьпячэньня іншым жыльлём. 34 пазоўныя заявы задаволеныя, 29 неплацельшчыкаў за камунальныя паслугі ўжо выселеныя з дамоў, па сутнасьці – выкінутыя на вуліцу.
За будаўнічыя працы каля полацкай Сафіі адказвае ўпраўленьне адукацыі?..
Пэтыцыю з патрабаваньнем спыніць будаўніцтва кадэцкай вучэльні на тэрыторыі Верхняга замку ў Полацку, якую адправілі ў Адміністрацыю прэзыдэнта і Савет Міністраў, была перанакіраваная ў Віцебскі аблвыканкам. Разглядаць яе будуць у галоўным ўпраўленьні адукацыі. Гэта вынікае з афіцыйных адказаў, якія атрымалі аўтары электроннага звароту.
Інспэкцыя працы «ня ўгледзела парушэньняў» правоў працоўных на «Полацак-Шкловалакно»
Адміністрацыя ААТ «Полацак-Шкловалакно» не дапушчае прадстаўніка Свабоднага прафсаюзу Беларускага ў камісію па вядзеньні калектыўных перамоваў. Але Дэпартамэнт дзяржаўнай інспэкцыі працы лічыць, што наймальнік правоў працоўных на калектыўныя перамовы не парушае.
Выставілі патрабаваньне: спыніць будаўніцтва кадэцкай вучэльні каля полацкай Сафіі
На інтэрнэт-пляцоўцы «Зручны горад» зьявілася пэтыцыя з патрабаваньнем спыніць усе будаўнічыя працы на полацкім Верхнім замку, дзе ў сьнежні 2019 году пачалі руйнаваць былы шпітальны гарадок, каб на ягоным месцы узьвесьці карпусы кадэцкай вучэльні. Аўтары пэтыцыі лічаць, што гэтыя працы зьнішчаюць культурныя напластаваньні і нясуць пагрозу самому Сафійскаму сабору.
Алесь Круткін асуджаны ў Полацку на 15 сутак
Актывіст грамадзянскай кампаніі «Эўрапейская Беларусь» Алесь Круткін быў 28 студзеня асуджаны на 15 сутак Полацкім судом. Гэтак яго пакаралі за ўдзел у мірных акцыях у абарону незалежнасьці краіны, якія праходзілі ў Менску ў сьнежні 2019 году. Суд над актывістам прайшоў у закрытым рэжыме, паведамляе «Эўрапейская Беларусь».
Пачалі штрафаваць удзельнікаў пікету каля полацкай Сафіі – ужо на 1620 рублёў
У Полацку і Наваполацку праходзяць суды над удзельнікамі акцыі за незалежнасьць Беларусі. 4-га студзеня паўтара дзясятка актывістаў сфатаграфаваліся каля Сафійскага сабору, склаўшы з раздрукаваных на паперы літар слова «Незалежнасьць». Некалькі чалавек трымалі бел-чырвона-белыя сьцягі, паведамляе Беларускае Радыё Рацыя.
Адразу 6 судоў пройдуць у Полацку і Наваполацку – за пікет каля Сафійскага сабору
Адразу шасьцёх актывістаў “Народнай грамады” будуць судзіць 24 студзеня ў Полацку і Наваполацку за пікет, на якім яго ўдзельнікі выказаліся ў падтрыму незалежнасьці Беларусі. Акцыя адбылася 4 студзеня 2020 году каля Сафійскага сабору ў Полацку. Справы пікетоўцаў будуць разглядаць гарадзкія суды Полацку і Наваполацку.