У судзе Бабруйска. Фота "Вячэрні Бабруйск" У судзе Бабруйскага раёна і горада Бабруйска 7 чэрвеня агучылі прысуд па крымінальнай справе аб падпале “Табакеркі”, размалёўванні рэкламных канструкцый, спыненні таварнага цягніка і прабітых колах ў аўтамабіля супрацоўніка міліцыі. Абвінавачанымі па справе праходзілі чатыры жыхара горада: Аляксандр Назаровіч, Аляксандр Мар'ясаў, Аляксандр Гаўрылаў, Віталь Васілевіч.

Нагадаем, мужчын вінавацілі па шэрагу артыкулаў за дзеянні ў кастрычніку 2020 года: спыненне таварнага цягніка (ч. 1 арт. 342 КК), нанясенне чырвоных палос на трох белых рэкламных лайтбоксах (арт. 341 КК), пракол колаў у аўтамабіля супрацоўніка міліцыі (ч. 3 арт. 339 КК), падпал "Табакеркі" (ч. 3 арт. 218 КК), а таксама за неданясенне аб дакладна вядомым цяжкім ці асабліва цяжкім злачынстве (ч. 2 арт. 406) і дзеянні з прадметамі на аснове выкарыстання гаручых рэчываў (ч. 2 арт. 295-3).

На папярэднім пасяджэнні дзяржабвінаваўца Наталля Лосева запрасіла для Аляксандра Назаровіча пазбаўленне волі ва ўмовах узмоцненнага рэжыму тэрмінам на 9 гадоў, для Аляксандра Мар'ясава і Віталя Васілевічана - на 8 гадоў ва ўмовах узмоцненнага рэжыму, а для Аляксандра Гаўрылава - на 2 гады ва ўмовах агульнага рэжыму. 

7 чэрвеня суддзя Дзмітрый Крэнжыеўскі агучыў прысуд.

Абвінавачанаму Аляксандру Назаровічу прызначыць пакаранне па: 

  • ч. 2 арт. 339 КК – пазбаўленне волі на тэрмін 2 гады
  • ч. 3 арт. 339 КК – пазбаўленне волі на тэрмін 4 гады
  • ч. 1 арт. 342 КК – пазбаўленне волі на тэрмін 1 год
  • ч. 6 арт. 16 арт. 341 КК– арышт на тэрмін 1 месяц
  • ч. 2 арт. 295-3 КК – пазбаўленне волі на тэрмін 3 гады
  • ч. 1 арт. 14 ч. 3 арт. 218 КК – пазбаўленне волі на тэрмін 8 гадоў

Канчаткова прызначыць Аляксандру Назаровічу пакаранне ў выглядзе пазбаўлення волі на тэрмін 8 гадоў з адбываннем у папраўчай калоніі ва ўмовах ўзмоцненага рэжыму. Таксама канфіскаваць яго аўтамабіль Opel Astra.

Абвінавачаным Віталю Васілевічу і Аляксандру Мар'ясаву прызначыць пакаранне па:

  • ч. 1 арт. 342 КК – пазбаўленне волі на тэрмін 1 год
  • ч. 6 арт. 16 арт. 341 КК– арышт на тэрмін 1 месяц
  • ч. 2 арт. 295-3 КК – пазбаўленне волі на тэрмін 3 гады
  • ч. 3 арт. 339 КК – пазбаўленне волі на тэрмін 3 гады і 6 месяцаў
  • ч. 1 арт. 14 ч. 3 арт. 218 КК – пазбаўленне волі на тэрмін 7 гадоў і 6 месяцаў

Канчаткова прызначыць Віталю Васілевічу і Аляксандру Мар'ясаву пакаранне ў выглядзе пазбаўлення волі на тэрмін 7 гадоў і 6 месяцаў з адбываннем у папраўчай калоніі ва ўмовах узмоцненага рэжыму

Абвінавачанаму Аляксандру Гаўрылаву прызначыць пакаранне па: 

  • ч. 2 арт. 406 КК – абмежаванне волі з накіраваннем у ПУАТ на тэрмін 1 год
  • арт. 341 КК – арышт на тэрмін 2 месяцы
  • ч. 2 арт. 339 КК – абмежаванне волі з накіраваннем у ПУАТ на тэрмін 2 гады

Канчаткова прызначыць Аляксандру Гаўрылаву пакаранне ў выглядзе абмежавання волі з накіраваннем у выпраўленчую ўстанову адкрытага тыпу на тэрмін 2 гадоў і 6 месяцаў.

У Бабруйску судзяць чацвярых мужчын за падпал "Табакеркі", спыненне таварнага цягніка і прабітыя колы ў аўтамабіля

Памочнік пракурора Наталля Лосева заявіла, што віна чатырох бабруйчан цалкам даказаная, аднак абвінавачаныя з такой трактоўкай не згодныя. Падчас допыту ў судзе яны патлумачылі свае дзеянні па кожнаму эпізоду. 

Крыніца: Ад 2 гадоў "хіміі" да 8 гадоў калоніі. У Бабруйску вынеслі прысуд па справе аб падпале "Табакеркі"