Праваабаронцы "Вясны" ў нядзелю 14 сакавіка працягваюць фіксаваць факты палітычнага пераследу ў Беларусі: затрыманні, ператрусы і іншыя формы ціску на грамадзян за іх актыўную грамадзянскую пазіцыю і незадаволенасць дзеяннямі ўладаў.
Калі вас ці вашых блізкіх затрымалі, паведамляйце нам праз тэлеграм-бот @viasna_bot ці на гарачую лінію:
|
Сёння ў Мінску на святкаванні Масленіцы ў Музеі валуноў ва Ўруччы былі затрыманыя некалькі чалавек. Сярод іх:
Аляхновіч Наталля
Іода Ўлад
Кавалёва Ганна
Хіневіч Святлана
Сарока Зміцер
Сачыўка Зміцер
Іх даставілі ў Першамайскі РУУС.
Актывіста Таварыства беларускай мовы, магіляўчаніна Сяргея Дымкова змясцілі да суду ў ізалятар часовага ўтрымання. Суд павінен адбыцца ў панядзелак. Паводле папярэдняй інфармацыі, яго затрымалі праз бел-чырвона-белы сцяг на балконе, паведамляюць валанцёры магілёўскай "Вясны". У кватэры правялі ператрус.
Інфармацыя будзе дапаўняцца.
Крыніца: Затрыманні праз сцяг на вакне і святкаванне Масленіцы: у Беларусі працягваецца палітычны пераслед