Сёння ў судзе Маскоўскага раёна Брэста пачаўся разгляд крымінальнай справы па ч. 2 арт. 293 Крымінальнага кодэкса (удзел у масавых беспарадаках) за выбарчыя пратэсты 10 жніўня. На лаве падсудных — адразу дзесяць чалавек. Справу разглядае суддзя Вера Філонік. У зале суда "не хапіла месца" нават сваякам падсудных. "Вясна" назірае за гэтай крымінальнай справай і распавядае яе падрабязнасці. З 10 абвінавачаных шэсць з'яўляецца палітзняволенымі, якія ўтрымліваюцца пад вартай у брэсцкім СІЗА-7:

Брэст 10 жніўня. Фота: binkl.by
Брэст 10 жніўня. Фота: binkl.by

Каго судзяць 15 лютага?

Гэта бацька і сын. Іх затрымалі 19 жніўня. З таго часу яны ўтрымліваюцца пад вартай.

Цімур – 37-гадовы таксіст, увечары 10 жніўня вяртаўся з працы дадому, але яго падстрэлілі гумовымі кулямі пяць разоў. Следчы тлумачыць выбар меры стрымання ўтрымання пад вартай тым, што ў Цімура Рызапура няма беларускага грамадзянства, нягледзячы на тое, што ў яго ёсць від на жыхарства і ён жыве ў Беларусі ўжо каля 23 гадоў. 

Ілля – студэнт 2-га курса Брэсцкага палітэхнічнага ўніверсітэта. Быў затрыманы 18 жніўня на працы ў Мастаатрадзе па падазрэнні ў масавых беспарадках. Пра затрыманне Іллі бацькі даведаліся ад адваката. 

Аляксандр быў затрыманы 30 лістапада ў Брэсце. З тых часоў утрымліваецца пад вартай.

  • Віталь Бандарэнка
  • Сяргей Гацкевіч 
  • Сяргей Салоха 
  • Дзяніс Хозей 

Па інфармацыі брэсцкай "Вясны", астатніх абвінавачаных будуць судзіць пазней, іх справа вынесеная ў асобную вытворчасць.

Што адбываецца на судзе?

Справу разглядае суддзя Вера Філонік. Як перадаюць брэсцкія праваабаронцы "Вясны", на суд не патрапіла каля 20 чалавек. Прычына — "не хапіла месцаў". Пры гэтым не патрапілі нават некаторыя сваякі: для тых, хто знаходзяцца пад вартай, устанавілі ліміт — "1 сваяк".

Інфармацыя дапаўняецца і абнаўляецца.

«Масавыя беспарадкі» на дзве гадзіны. Што вядома пра крымінальную справу за 10 жніўня ў Брэсце?

Праваабаронцам "Вясны" вядома, што фігурантамі крымінальных справаў за 10 жніўня ўжо сталі каля 30 чалавек. Што здарылася ў той вечар у Брэсце, што вядома пра крымінальную справу за 10-е жніўня, як вядомы спартсмен Брэста Дзяніс Марусевіч і студэнт Ілля Мігно сталі фігурантамі гэтай справы — чытайце ў матэрыяле "Вясны".

Крыніца: У Брэсце за пратэсты 10 жніўня судзяць адразу дзесяць чалавек Дапоўнена