Раніцай 8 чэрвеня стала вядома, што стваральніцу чату “Краіны для жыцця” Маскоўскага раёна г. Мінска Юлію Гаўрылаву выклікаюць у міліцыю. Супрацоўнік РАУС не паведаміў пра прычыны выкліку і статус жанчыны, сказаў, што з ёй проста паразмаўляюць. Дома ў адміністратара браслаўскага канала “Краіна для жыцця” Канстанціна Далецкага ў 11 гадзін дня праводзяць вобшук.

Канстанцін Далецкі з дзіцём

Як паведамляецца ў тэлеграм-канале “Рэпрэсіі ў Беларусі”, у яго канфіскоўваюць камп’ютарную тэхніку і забралі SIM-карту. Супрацоўнікі міліцыі прывезлі з сабой двух мясцовых жыхароў, якія напэўна прысутнічаюць у якасці панятых.

Нагадаем, зараз за кратамі знаходзіцца блогер, аўтар youtube-канала "Краіна для жыцця" Сяргей Ціханоўскі, мадэратар сацсетак ініцыятывы Дзмітрый Папоў, аўтар youtube-канала "Слуцк для жыцця" Уладзімір Няронскі і шэраг іх паплечнікаў. 

Як падтрымаць палітвязняў па "справе Ціханоўскага"? Пяць спосабаў

Восьмага чэрвеня блогеру Сяргею Ціханоўскаму і яго паплечнікам прад'явілі абвінавачванні за інцыдэнт, які адбыўся ў Гродне на выбарчым пікеце 29 траўня. Затрыманых пакінулі за кратамі. 9 чэрвеня праваабарончая супольнасць Беларусі прызнала абвінавачаных па артыкуле 342 Крымінальнага кодэкса палітычнымі зняволенымі.

Патрабуем неадкладнага вызвалення ўсіх абвінавачаных па артыкуле 342 Крымінальнага кодэксу Рэспублікі Беларусь

Заява праваабарончай супольнасці Беларусі па факце прад'яўленння абвінавачвання ў арганізацыі групавых дзеянняў, якія груба парушаюць грамадзкі парадак Сяргею Ціханоўскаму і шасці ўдзельнікам пікету 29 траўня ў Гародні.

Крыніца: Ціск на адмінаў тэлеграм-каналаў “Краіны для жыцця” працягваецца