Cуд Ленінскага раёна Брэста 19 красавіка разглядае  адміністрацыйную  справу актывісткі Наталлі Папковой. Па інфармацыі, якую змясціў у фэйсбуку Мікалай Статкевіч, яна была затрыманая яшчэ 17 красавіка нібыта за пераход вуліцы ў неўстаноўленым месцы.

Яе амаль суткі ўтрымоўвалі ў Ленінскім РАУСе Брэста, абвінаваціўшы ў пераходзе вуліцы ў неналежным месцы і ў непадпарадкаванні патрабаванням супрацоўнікаў міліцыі. Толькі пад вечар Наталлю прывезлі ў суд, дзе мусілі вызваліць пасля патрабавання разглядаць справу ў прысутнасці яе адваката.

Мікола Статкевіч

Пагней стала вядома, што справу Папковай разглядаў суддзя суда Ленінскага раёна Алег Міранюк. Ён пастанавіў пакараць актывістку арыштам на 15 сутак. Не дачакаўшыся прысуду Папкова сыйшла з суду і зараз яе месцазнаходжанне невядомае.

18 красавіка Папкову  пакаралі штрафам у памеры на 4 базавыя велічыні за парушэнне правілаў дарожнага руху і непасрэдна ў міліцыі склалі яшчэ адзін пратакол па арт. 23.4 КаАП (непадпарадкаванне законнаму патрабаванню службовай асобы).

У той жа дзень пачаўся суд, аднак Наталля Папкова заявіла хадайніцтва ад прадстаўленні адваката, якое было задаволенае. Разгляд справы перанеслі на 19 красавіка, а актывістку адпусцілі з ІЧУ да суда дадому.

Пэўны час пра месцазнаходжанні актывісткі нічога не было вядома.

Крыніца: У Берасці за непадпарадкаванне судзілі Наталлю Папкову Дапоўнена