Раніцай 22 чэрвеня пры вяртанні ў Беларусь анархіста Міколу Дзядка знялі з аўтобуса беларускія памежнікі. Яго суправадзілі на мытны дагляд, дзе праглядзелі ўсе ягоныя асабістыя рэчы, у тым ліку кнігі і брашуры.
Падставай для дагляду стала нібыта "выбарачная праверка". Пасля праверкі Міколу Дзядка пасадзілі на іншы аўтобус.
Нагадаем, за два тыдні да гэтага Міколу Дзядка здымалі з аўтобуса беларускія памежнікі, калі ён ехаў у бок Вільні. Нагодай для “спецправеркі”, якую агучыў памежнік, стала падазрэнне, што дакумент нібыта “мае прыкметы падробкі”.
"Усё кажа пра тое, што існуюць нейкія адмысловыя спісы на "праверку" на ў'езд і на выезд. У іх трапляюць усе сацыяльна актыўныя грамадзяне, ад анархістаў да праваабаронцаў. Аднак наяўнасць у спісе не азначае, што чалавека будуць "трэсці" кожны раз.
Падаецца, што спісы "актывізуюцца" перад нейкімі ключавымі здарэннямі, тыпу выбараў, Еўрапейскіх гульняў і г.д. Але могуць чалавека "прашманаць" і незалежна ад такіх падзеяў, "рандомна". То бок да канца не зразумела, калі чалавека са спіса шманаюць, а калі - не", - адзначыў тады актывіст.
Мікола Дзядок лічыць, што зняцце з аўтобуса – гэта яшчэ адзін від псіхалагічнага ціску па замове ГУБАЗіКа.
“Патрапіўшы ў гэтыя спісы, будзеш у іх ужо назаўжды”. Як даглядаюць актывістаў на мяжы
