Сябра Аб’яднананай грамадзянскай партыі Наталля Стрэльчанка з Дуброўны Віцебскай вобласці накіравала ў Камітэт ААН па правах чалавека індывідуальнае паведамленне. У сваім звароце яна абвінавачвае Рэспубліку Беларусь у тым, што 25 і 26 сакавіка 2018 г. у дачыненні да яе супрацоўнікамі Дубровенскага РАУС і раённага суда ажыццяўляліся дзеянні, якімі, як яна лічыць, парушана адразу 7 артыкулаў Міжнароднага Пакта аб грамадзянскіх і палітычных правах.Так, беспадстаўнае затрыманне яе 25 сакавіка 2018 года ранкам ў 6 гадзін 20 хвілін супрацоўнікамі РАУС на шляху ў Мінск, дзе яна мела намер прыняць удзел у святкаванні Дня волі, яна лічыць парушэннем артыкула 9 Пакта, поводле якога ніхто не можа быць падвергнуты адвольнаму арышту або ўтрыманню пад вартай.
Факт неабгрунтаванага затрымання на шляху на масавае мерапрыемства яна расцэньвае як парушэнне Рэспублікай Беларусь артыкула 21 Пакта, якім гарантуецца права на мірныя сходы.
Забарону здзяйсняць аўдыё- і фотаздымкі працэсу яе затрымання ў файе памяшкання РАУС, з наступным прыцягненнем да адміністрацыйнай адказнасці за непадпарадкаванне патрабаванням спыніць здымку, Наталля Стрэльчанка адзначае як парушэнне краінай артыкула 19 Пакта, паводле якога кожны мае права на свабоду атрымання інфармацыі. Пры гэтым яна падкрэслівае, што адсутнічае закон, які б забараняў здымку у такім агульнадаступным месцы, як фае РАУС.А вось факт адхілення суддзём Татаевым І.А. яе хадайніцтва аб праглядзе здымкаў у адабраным у РАУС пры зтрыманні мабільным тэлефоне як адзінага магчымага доказу яе невінаватасці, яна лічыць парушэннем права на справядлівае судовае разбіральніцтва, якое гарантуецца артыкулам 14 Пакта.
Сваё ўтрыманне пад вартай 25 сакавіка 2018 г. з моманту ранішняга затрымання да 18 гадзін у памяшканіі РАУС без ежы, вобшук з поўным распрананнем пад камерай відэаназірання пры змяшчэнні ў ізалятар часовага ўтрымання, а таксама само ўтрыманне пад вартай на працягу больш 28 гадзін пры наяўнасці ў яе дваіх непаўнагадовых дзяцей, безпадстаўнае астаўленне яе суддзём Татаевым І.А. пад вартай пасля адкладання разгляду справы 25 сакавіка на наступны дзень, Наталля таксама лічыць грубым парушэннем краінай Пакта. А гэта і артыкул 10, паводле якога ўсе асобы, пазбаўленыя свабоды, маюць права на гуманнае абыходжанне і павагу годнасці, а таксама артыкул 7, які ўсталёўвае, што ніхто не можа падвяргацца катаванню або жорсткаму, нялюдскаму або прыніжаючаму яго годнасць абыходжанню.
Ну а паколькі ўсе гэтыя парушэнні маюць палітычнае адлюстараванне, бо Наталля Стрэльчанка з’яўляецца сябрам АГП, то гэты факт яна лічыць дыскрымінацыяй, звязанай з яе палітычнымі перакананнямі. А гэта ўжо парушэнне Рэспублікай Беларусь артыкула 2 Пакта.
Актывістка завяршыла сваю скаргу просьбай ўстанавіць факт парушэння Рэспублікай Беларусь сямі артыкулаў Пакта і рэкамендаваць уладам Беларусі кампенсаваць нанесены ёй урон.
Крыніца: Наталля Стрэльчанка вінаваціць Беларусь ў парушэнні адразу 7 артыкулаў Міжнароднага Пакта