Праваабаронцы "Вясны" традыцыйна выйшлі ў цэнтр сталіцы з раздачай спецвыпуска газеты “Народная Воля”. Гэтай масавай інфармацыйнай акцыяй актывісты кампаніі “Праваабаронцы супраць смяротнага пакарання ў Беларусі” распачалі Тыдзень супраць смяротнага пакарання. Спецвыпуск газеты прысвечаны праблеме смяротнага пакарання ў Беларусі. Упершыню матэрыялы спецвыпуска склалі творы вядомых пісьменнікаў, публіцыстаў і паэтаў, такіх як Уладзімір Некляеў, Алесь Бяляцкі, Сяржук Сыс, Сяргей Дубавец, Галіна Дубянецкая, Паліна Сцепаненка. Некалькі тысяч асобнікаў "Народнай волі" былі раздадзеныя літаральна за пару гадзінаў. Людзі ахвотна бралі іх і цікавіліся тэмай смяротнага пакарання.
- Юрыст ПЦ "Вясны" Аляксей Лойка раздае "Народную Волю"
- Старшыня ПЦ "Вясна" Алесь Бяляцкі пры раздачы спецвыпуска "Народнай волі"
- Каардынатарка валантэрскай службы "Вясны" Анісія Казлюк і валантэрка "Вясны"
- Мінакі знаёмяцца з "Народнай воляй"
- Праваабаронца "Вясны" Зміцер Салаўёў раздае "Народную волю"
- Каардынатарка валантэрскай службы "Вясны" Анісія Казлюк
Крыніца: "Адмоўлена ў жыцці": інфармацыйная акцыя праваабаронцаў Фота