Сёння ў Мінску адбудзецца акцыя “Чарнобыльскі шлях”, прысвечаная 32-ой гадавіне аварыі на Чарнобыльскай атамнай электрастанцыі. Акцыя дазволена Мінскім гарвыканкамам. Збор удзельнікаў на «Чарнобыльскі шлях» абвешчаны ў 18:00 каля кінатэатру “Кастрычнік”, што ля станцыі метро «Акадэмія навук». Адтуль шэсце рушыць да чарнобыльскай капліцы, што ў парку Дружбы народаў, там мусіць адбыцца мітынг.
Арганізатарамі акцыі выступаюць Партыя БНФ, АГП, рух «За свабоду», БСДП, БХД, рух салідарнасьці «Разам», партыя «Зялёныя». У аргкамітэт таксама ўвайшла экалягічная арганізацыя «Экадом».
Назіральнікі ад “Грамадскага кантролю #ControlBY” будуць весці маніторынг гэтай акцыі.
Адначасова з “Чарнобыльскім шляхам”, у Кіеўскім скверы, які недалёка ад капліцы, пройдзе дазволены мітынг КХП БНФ.
***
Ля кінатэатра "Кастрычнік" дзяжураць больш за 20 міліцыянтаў у цывільным, ёсць супрацоўнікі ДАІ і сапёрнай службы. За будынкам стаяць аўтазак, аўтобусы і фургон з металічнымі плотамі.
Па дадзеных назіральнікаў, вакол месца збору ў розных дварах знаходзяцца не менш за шэсць аўтазакаў.
Прыкладна ў 17.40 на баку будынку Акадэміі навук пяцёра актывістаў разгарнулі плакаты з патрабаваннем свабоды для зняволеных Міхаіла Жамчужнага, Змітра Паліенкі, Святаслава Барановіча і Тараса Аватарава.
На плошчу ля кінатэатру падыходзяць людзі, дастаюць сцягі і плакаты.
Актывісты партыі "Зялёныя" прынеслі на акцыю макет корпуса рэактара.
Супрацоўнікі міліцыі падыйшлі к удзельнікам, якія прышлі ў працівагазах, затым тыя знялі іх.
Паводле назіральніках #ControlBY, міліцыянты забараняюць удзельнікам заходзіць унутр кінатэатр.
У 18.30 пачалося шэсце. Калона рушыла ў бок парку Дружбы народаў.
На момант пачатку руху калоны незалежныя назіральнікі налічылі 430 чалавек удзельнікаў акцыі.
(Будзе абнаўляцца)
Крыніца: У Мінску праходзіць акцыя "Чарнобыльскі шлях-2018" Фота Дапоўнена