07.01.2025 Тэгі: выбары-2025 Міністэрства замежных справаў Германіі ацанілі перспектывы нямецка-беларускіх стасункаў у 2025 годзе. Яны заявілі, што ў агульным кантэксце масавых рэпрэсій правядзенне ў Беларусі 26 студзеня 2025 года свабодных і сумленных выбараў ўяўляецца немагчымым, заявілі "Позірку".

"У сувязі з гэтым карэнная змена абранай разам з іншымі краінамі — членамі ЕС лініі ў дачыненні да Беларусі не праглядаецца і ў новым годзе", — адзначылі ў знешнепалітычным ведамстве ФРГ.

Там падкрэслілі, што Германія "і надалей будзе выступаць за свабодную і дэмакратычную Беларусь", а таксама "наладжваць кантакт з вядучымі прадстаўнікамі беларускіх дэмакратычных сіл у выгнанні". Германія працягне патрабаваць забеспячэння свабоды СМІ "як у Беларусі, так і дзе б тое ні было".

Акрамя таго, ФРГ будзе прыкладаць "канкрэтныя намаганні для вызвалення палітвязняў і падтрымання мінімальных гуманітарных стандартаў для зняволеных у Беларусі".

"Мы спадзяемся, што ў 2025 годзе беларускі рэжым распачне актыўныя крокі ў гэтым кірунку", — заявілі "Позірку" ў МЗС ФРГ.

"Праваабаронцы за свабодныя выбары"

Крыніца: Германія: "Праз масавыя рэпрэсіі правядзенне свабодных і сумленных выбараў у Беларусі ўяўляецца немагчымым"