Адбываецца разгляд адміністрацыйнай справы ў дачыненні да журналіста “Белсат” Андруся Козела па арт. 23.4 КаАП Беларусі, які “парушаў таямніцу падліку галасоў” у дзень выбараў у мясцовыя Саветы дэпутатаў.
7 сакавіка справу спачатку ў поўным аб'ёме разглядае суддзя Іван Касцян. Андрусь Козел пры допыце адзначыў, што намесніца старшыні выбарчай камісіі і старшыня Таццяна Новікава, якая таксама знаходзіцца ў зале суда, спасылаліся на неправільныя нормы заканадаўства пры забароне відэатрансляцыі, то бок не прадставілі юрыдычную падставу. Гэта падцверджвае і сведка Францішак Дзядоў — назіральнік з выбарчага участку. Адвакат Сяргей Зікрацкі акцэнтуе ўвагу суддзі на тое, што ў дадзеным выпадку адсутнічалі парушэнні беларускага заканадаўства: Канстытуцыі, Выбарчага кодэкса Беларусі, Закона аб інфармацыі, інфарматызацыі і абароне інфармацыі, якія не забараняюць здымаць на відэа падлік галасоў. Міліцыянт Уладзіслаў Бушынскі даў тыя ж паказанні, што і раней: ён паступіў у распараджэнне старшыні камісіі, спрабаваў вывесці журналіста з памяшкання, але па прычыне таго, што ён аказаў супраціў, то ён вымушаны быў прымяніць сілу.
У судзе праглядзелі відэазапіс, які журналіст рабіў на выбарчым участку 18 лютага. На відэа бачна, як міліцыянт, як Андрусь Козел некалькі разоў просіць міліцыю прадставіцца і патлумачыць прычыну забароны. Праз вельмі кароткі час журналіста пачынаюць выводзіць з залі і запіс перарываецца.
Адвакат Сяргей Зікрацкі акцэнтуе ўвагу, што арт. 23.4 КаАП прадугледжвае непадпарадкаванне законнаму распараджэнню ці патрабаванню службовай асобы пры выкананні ім службовых паўнамоцтваў. У данным выпадку распараджэнне міліцыянта было незаконным, а старшыня камісіі не з'яўляецца службовай асобай. Андрусь Козел не парушыў заканадаўства Беларусі падча вядзення прамой відэатрансляцыі, тым больш, што камісія юрыдычна не абгрунтавала забарону на відэаздымку.
Суд выдаўліўся для прыняцця рашэння.
Нагадаем, што на аператара тэлеканала “Белсат” Андруся Козела, які з’яўляўся даверанай асобы аднаго з кандыдатаў, быў складзены адміністрацыйны пратакол за тое, што падчас падліку галасоў 18 лютага, на выбарчым участку № 27 г. Мінска ён адмаўляўся выконваць патрабаванні міліцыі: не спыніў прамую відэатрансляцыю з участка і не пакінуў яго. Супрацоўнікі міліцыі па загадзе старшыні выбарчай камісіі паспрабавалі выдаліць журналіста з участка, спасылаючыся на парушэнне ім выбарчага заканадаўства.
Пры гэтым Андрусь Козел сцвярджае, што быў моцна збіты праваахоўнікамі. Таксама падчас затрымання міліцыянты разбілі яго галавой шкляныя дзверы на выбарчым участку.
Пасля чаго ён быў дастаўлены ў Цэнтральны РУУС, а затым — у Цэнтр ізаляцыі правапарушальнікаў на Акрэсціна.
19 лютага 2018 г. Суд Цэнтральнага раёна г. Мінска разгледзіў справу ў дачыненні Андруся Козела, у выніку чаго пастанавіў адправіць гэтую справу на дапрацоўку, а затрыманага вызваліць з-пад варты.