Суд Маскоўскага раёна Мінска 29 ліпеня вынес прысуд супрацоўніцы сталічнага "Альфа-Хаба" Алесе Курэйчык, абвінаваціўшы яе ў арганізацыі і падрыхтоўцы дзеянняў, якія груба парушылі грамадскі парадак, альбо ў актыўным удзеле ў іх (ч.1 арт. 342 Крымінальнага кодэкса).

Справу разглядала суддзя Таццяна Пірожнікава.

Палітзняволеная Алеся Курэйчык — супрацоўніца "Альфа-Хабу", была затрыманая 24 траўня 2022 ў межах крымінальнай справы аб групавых дзеяннях, якія груба парушаюць грамадскі парадак за ўдзел у акцыях пратэсту ў жніўні 2020 года.

Суд пастанавіў прызнаць Курэйчык вінаватай і вынес пакаранне ў выглядзе абмежавання волі тэрмінам на тры гады з накіраваннем ва ўстанову адкрытага тыпу.

Дзяўчыну вызвалілі ў залі суда да прызначэння ёй месца адбыцця пакарання.

Крыніца: Тры гады “хіміі” прысудзілі супрацоўніцы "Альфа-Хаба" за ўдзел у акцыях пратэсту ў 2020 годзе