Парушэнне заканадаўства было выяўлена супрацоўнікамі АУС Лёзненскага раёна на 42-ім км. аўтадарогі "Віцебск-Лёзна, мяжа РФ", калі пры праверцы дакументаў і тэлефона Марозава яны знайшлі падпіску на тэлеграм-каналы з назвай "Zerkalo.io навіны" і "Эканоміка Беларусі". Больш за тое ў тэлефоне «сілавікі» знайшлі фотаздымкі шчыта з гербам "Пагоня" і незарэгістраваную бчб-сімволіку, якія ўлады лічаць экстрэмісцкімі.

У судовым паседжанні мужчына не адмаўляўся ад наяўнасці падпіскі на ТГ-каналы і фатаграфій у тэлефоне з «пратэстнай сімволікай».

Зыходзячы з устаноўленых у судзе фактаў распаўсюджвання "экстрэмізму" і на падставе ч.2 арт. 19.11 КаАП суддзя Шарэц пастанавіла пакараць Марозава арыштам на 5 сутак і канфіскаваць у даход дзяржавы яго мабільны тэлефон.

Лідзія Гарохава