Ён, прыблізна, абвяшчае наступнае: « Вялікая бітва за тое, каб перакрыць раку плацінай для ГЭС, за 60 дзён згодна з графікам работ». Цалкам у духу беларускіх рэаліяў, толькі замест бітвы за ўраджай, тут бітва з ракой за плаціну. Зрэшты, падчас візыту журналістаў «поле бітвы» было пустынным. Ніякіх, прыкметных воку, работ не чынілася.

Калі пачаліся і калі скончацца гэтыя 60 дзён вялікай бітвы, высьветліць не ўдалося. Згодна з пашпартам аб’екту, будаўніцтва Віцебскай ГЭС пачалося ў красавіку 2013, а скончыцца ў студзені 2017 году. ГЭС будзе мець устаноўленую магутнасьць 40 МВт, найбольшая колькасьць энэргіі яна будзе вырабляць у красавіку - 40 мільёнаў кВт⋅ч, а самая нізкая ў лютым - усяго 4,5 мільёна кВт⋅ч.

Дамоўленасьць пра падпісаньне крэдытнага пагадненьня па фінансаваньні будаўніцтва Віцебскай гідраэлектроўні зь Дзяржаўным банкам разьвіцьця Кітая была дасягнутая ў жніўні 2011 году. Тады плянавалася, што будаўніцтва пачнецца ў 2012 годзе, а ўвойдзе ў строй электрастанцыя ў 2015 годзе.

Крыніца: Народныя навіны Віцебска