Як аказалася, сапраўды, са студзеня гэтага года ў Лясным кодэксе Беларусі з'явілася норма, якая дазволіла жыхарам краіны бясплатна выкопваць у лесе дрэвы і хмызнякі, каб потым выкарыстоўваць іх для ўпрыгожвання прысядзібных  участкаў. Але, як заўважае спецыяліст лясніцтва,  гэта не азначае, што можна ўзяць у прыроды калі і колькі захочаш раслін. Працэс рэгламентаваны.

Калі ў чалавека ўзнікла такое жаданне, набыць расліну, трэба пра гэта паведаміць у лясгас ці лясніцтва, і тады спецыялісты пакажуць месца, дзе можна будзе на бязвыплатнай аснове выкапаць некалькі дрэўцаў.

Разам з тым Міхаіл Сураўцаў папярэджвае грамадзян, што нельга прыносіць дадому з лесу расліны, занесеныя ў Чырвоную кнігу. Калі рызыкнуць і выкапаць чырванакніжную расліну ў лесе і пасадзіць яго на ўчастку, то можна «зарабіць» прыстойны штраф. Бо згодна з артыкулам 16/08 КаАП, за збор або знішчэнне дзікарослых раслін, занесеных у Чырвоную кнігу, для фізічных асоб пагражае штраф ад 20 да 30 базавых велічынь, для індывідуальных прадпрымальнікаў - ад 20 да 150 базавых, для юрыдычных асоб - ад 35 да 500 базавых велічынь.

Як заўважае працаўнік лясгасу, рэдкія расліны можна набыць у спецыялізаваных крамах ці гадавальніках. Пасля іх набыцця абавязкова трэба ўзяць чэк, каб у выпадку спрэчнай сітуацыі пацвердзіць факт законнага набыцця расліны.

Вітольд Сухамлінскі