Яшчэ адна дзіўная акалічнасць: у пачатку ліпеня ўлады абвяшчалі грамадскае абмеркаванне назвы парка ў цэнтры Гарадка, дзе стаіць скульптура галоўнага героя паэмы «Тарас на Парнасе». Звесткі пра абмеркаванне дзіўным чынам зніклі – на абноўленым сайце пра гэта нічога няма. Але ўжо вядома, што райвыканкам зацвердзіў назву «Вераніцынскі сквер» - адзін з варыянтаў, прапанаваных менавіта ўладамі, а не простымі жыхарамі. Якія яшчэ былі прапановы, з якімі вынікамі прайшло галасаванне – усё гэта застаецца таямніцай.

Практычна няма на сайце і версіі па-ангельску. Тут усе тыя ж старыя навіны (апошнія – за сакавік гэтага году), а некаторых раздзелаў, якія есць у расейскамоўнай версіі, проста няма. У тым ліку раздзела «Інвестарам», які якраз і мог быць цікавы замежным наведнікам.

Рыгор Смага