Нідэрляндзкі дыплямат сустрэўся зь віцебскімі праваабаронцамі
4 сакавіка ў межах двухдзённага візыту ў Віцебск Часовы павераны ў справах Каралеўства Нідэрлянды ў Рэспубліцы Беларусь спадар Хэнрыкус Ёханэс ван Оостэрхаўт сустрэўся з праваабаронцамі Паўлам Левінавым і Леанідам Сьвецікам, а таксама з журналісткай і сябрам БАЖ Аленай Сьцяпанавай.
У Віцебскім СІЗА-2 не дазволілі зрабіць перадачу для Жамчужнага і адмовілі ў спатканьні
Віцебскія праваабаронцы Павал Левінаў і Леанід Сьвецік зьвярнуліся з просьбай да адміністрацыі СІЗА №2 даць ім кароткатэрміновае спатканьне з палітвязьнем Міхаілам Жамчужным, а таксама дазволіць зрабіць для яго перадачу і пералічыць на ягоны асабісты рахунак сродкі. Праваабаронцам далі дазвол толькі на пералік грошай.
Амбасадарка Швэцыі і праваабаронцы сустрэліся ў Віцебску
У сераду 26 лютага Віцебск з афіцыйным візытам наведала амбасадарка Швэцыі ў Беларусі Крысьціна Юханэсан. Разам зь першым сакратаром дыппрадстаўніцтва Конрадам Рыкардсанам яны наведалі шэраг прадпрыемстваў і ўстановаў гораду, зрабілі візыты да гарадзкіх і абласных органаў ўлады і асобна сустрэліся зь віцебскімі праваабаронцамі Паўлам Левінавым і Леанідам Сьвецікам.
Палітвязьня Міхаіла Жамчужнага этапавалі ў віцебскі СІЗА №2
Палітвязьня Міхаіла Жамчужнага этапавалі ў сьледчы ізалятар №2 (СІЗА-2) у Віцебску. Пра гэта палітвязень паведаміў у лісьце праваабаронцу Леаніду Сьвеціку. Прычынай такога нечаканага перамяшчэньня Жамчужнага стала аднаўленьне папярэдняга расьсьледаваньня Упраўленнем сьледчага камітэту па Віцебскай вобласьці.
Палітвязень Жамчужны: Я ў поўнай ізаляцыі. Са мной і павітацца ніхто ня можа...
Пасьля чарговага пакараньня штрафным ізалятарам (ШІЗА) палітвязень Міхаіл Жамчужны выйшаў на сувязь з віцебскімі праваабаронцамі. У кароткім лісьце да калегаў ён паведаміў, што праблемы зь ліставаньнем працягваюцца. Пра гэта «Віцебскай Вясьне» расказаў праваабаронца Леанід Сьвецік.
Віцебскія праваабаронцы паўдзельнічалі ў «круглым стале» аб’яднаньняў і партый
У сераду 22 студзеня ў Віцебскім філіяле міжнароднага ўнівэрсытэту МІТСО прайшло першае ў 2020 годзе паседжаньне круглага стала грамадзкіх аб’яднаньняў і палітычных партый. Нечакана ўзяць удзел у сустрэчы запрасілі і віцебскіх праваабаронцаў.
Міхаіл Жамчужны: Лісты з волі цяпер – на вагу золата
У апошнім па часе лісьце да віцебскіх праваабаронцаў палітвязень Міхаіл Жамчужны выказвае меркаваньне, што грамадзтва губляе цікавасьць да яго. Моцная плынь карэспандэнцыі, якую атрымліваў годам раней, ператварылася ў рэдкія лісты. Жамчужны зьвязвае гэта з электаральнай кампаніяй, якая праходзіла ў Беларусі.
Палітвязень Міхаіл Жамчужны правядзе Каляды і пачатак 2020 году ў ШІЗА
23 сьнежня адміністрацыя папраўчай калёніі №9 (г. Горкі Магілёўскай вобласьці) зноў зьмесьціць палітвязьня Міхаіла Жамчужнага ў штрафны ізалятар. Пра гэта палітвязень паведаміў у лісьце віцебскаму праваабаронцу Леаніду Сьвеціку.
У Дзень правоў чалавека актывісты раздавалі мінакам спэцвыпуск «Народнай Волі» – фотафакт
10 сьнежня 1948 году Генэральная Асамблея ААН зацьвердзіла і абвясьціла Ўсеагульную дэклярацыю правоў чалавека. Віцебскія праваабаронцы традыцыйна адзначылі гэтую дату бясплатнай раздачай спэцнумару газэты «Народная воля», якая выйшла ў гэты дзень з укладкай «Бараніць правы можа кожны!»
Пабачыла сьвет «Шэрая кніга – 2019. Хроніка парушэньняў правоў чалавека ў Віцебскім рэгіёне»
Напярэдадні міжнароднага Дня правоў чалавека на «Віцебскай вясьне» зьявіўся шосты выпуск штогодніка «Шэрая кніга. Хроніка парушэньняў правоў чалавека ў Віцебскім рэгіёне». Праваабаронцы прааналізавалі ў выданьні стан правоў чалавека ў Віцебскай вобласьці ў пэрыяд ад верасьня 2018-га да жніўня 2019 году.