Прычына забароны мітынгу: невыкананьне заяўнікамі патрабаваньняў рашэньня Віцебскага гарвыканкаму № 881. Згаданае рашэньне вымагае ад арганізатараў масавых мерапрыемстваў перад падачай заявак на іх правядзеньне заключаць дамовы на абслугоўваньне мерапрыемстваў з мэдыкамі, камунальнікамі і міліцыяй. Апошнія ўсяляк ухіляюцца ад заключэньня дамоваў, таму віцебская апазыцыя ужо цягам некалькіх гадоў ня можа зладзіць ніводнай акцыі, якая была б дазволеная ўладамі.