27 лютага віцяблянка Кацярына Бакан выйшла на плошчу Перамогі ў Віцебску з букетам, які супрацоўнікі міліцыі расцанілі як атрыбут пікетавання. 1 сакавіка ў судзе Чыгуначнага раёну яе прызналі вінаватай у адміністрацыйным правапарушэнні паводле адміністрацыйнага артыкула 24.23.

Афіцыйны сайт шумілінскай раённай газеты «Герой працы» апублікаваў ліст старшыні мясцовай суполкі «Беларускага фонду міру» Людмілы Шаўцовай, у якім яна заклікае грамадзян не браць удзелу ў акцыях супраць вайны. І просіць грамадзян быць пільнымі.

Жыхар Віцебску Дзьмітрый Новікаў, які быў затрыманы ў 2018 годзе за ўдзел у баявых дзеяньнях на баку гэтак званай «Данецкай народнай рэспублікі», вызвалены з-пад варты і перададзены ў межах абмену на грамадзян Украіны, якіх незаконна затрымалі, асудзілі і ўтрымлівалі на непадкантрольнай Кіеву тэрыторыі Данецкай і Луганскай абласьцей, паведамляе Радыё Свабода.

Судовы працэс над віцяблянінам Дзьмітрыем Новікавым праходзіць у Дружкоўскім гарадзкім судзе Данецкай вобласьці Ўкраіны. 19 верасьня грамадзяніну Беларусі зачыталі абвінавачаньне. Новікава вінавацяць адразу па 4-х артыкулах Крымінальнага кодэксу Ўкраіны. Яму пагражае да 25 гадоў зьняволеньня.

Чатыры гады таму браты Мішурныя зь вёскі Копці Віцебскага раёну знайшлі ў лесе парэшткі чырвонаармейцаў і атрымалі за гэта падзяку ад міністра абароны. Але праз некаторы час – за тое ж самае! – былі аштрафаваныя на 2 млн. рублёў. У пошуках справядлівасьці напісалі сёлета міністру Раўкову, але той адказаў фармальнай адпіскай…

Відэа, як хлопец кідаецца наўпрост пад танкі ля ЦУМу ў Менску падчас рэпэтыцыі параду, разышлося па сеціве і набыло вялікі розгалас. Імя героя гэтага відэа – Андрэй Ускоў, джазмэн зь Віцебску, які ў той дзень меўся выступаць (і выступіў) на Джазавым вечары.

Камандзір атраду расейскіх нацыстаў Аляксей Мільчакоў, які ваяваў супраць Украіны на Данбасе, цяпер трэніруе баявыя навыкі беларускіх грамадзян і набывае маёмасьць на Віцебшчыне.

У касах канцэртнай залі «Віцебск» кажуць, што на «Духоўныя гутаркі» Івана Ахлабысьціна, імпрэзу, якая мае адбыцца 12 кастрычніка, усе квіткі былі прададзеныя яшчэ тыдні два таму. «Што ж вы сьпіце ўсе? Цяпер пільнуйце — можа, хто здаваць будзе», — параіла касір. Квіткі на «Духоўныя гутаркі» Ахлабысьціна каштавалі ад 120 да 280 тысяч рублёў. Вялікая заля КЗ «Віцебск» разьлічаная на 1100 глядацкіх месцаў.

Трынаццатая абласная ваенна-спартовая гульня “Зарніца”, прысьвечаная 68-й гадавіне перамогі савецкага народу ў Вялікай Айчыннай вайне, стартуе 16 траўня ў Віцебску, паведамілі ў Віцебскім абласным камітэце ГА “Беларускі рэспубліканскі саюз моладзі”. Удзельнікамі спаборніцтваў стануць каля 25 каманд па 7 чалавек кожная, якія прадстаўляюць установы адукацыі рэгіёнаў вобласьці. Дзеці паспаборнічаюць у марш-кідку зь перашкодамі (даўжыня дыстанцыі 1500-2000 м). Камандам неабходна прайсьці некалькі этапаў: транспартоўка пацярпелага, стральба з пнэўматычнай вінтоўкі, пераправа, паласа перашкод, кіданьне гранаты, фарсіраваньне броду, усталёўка намёту, разборка і зборка аўтамату.