Віталь Броўка вядомы ў Віцебску чалавек, яму належаў паб «Торвальд» у цэнтры гораду. Гэта было месца для мноства канцэртаў і культурных падзеяў. Падчас ковіду  каманда арт-пабу «Торвальд» пачала гатаваць ежу для лекараў з чатырох мэдычных установаў Віцебску.  

 Пасля пратэстаў 2020 года праз ціск уладаў паб зачыніўся.Віталь Броўка быў вымушаны пакінуць Беларусь у сувязі з немагчымасцю працягваць далей сваю справу. Спярша ён выехаў у Кіеў, дзе спрабаваў аднавіць  дзейнасць арт-паба "Торвальд". Тут, як і ў Віцебску, праходзілі канцэрты беларускіх выканаўцаў, адкрытыя лекцыі, дыскусіі, працавалі курсы беларускай мовы "Мова нанова".  Але неўзабаве пасля  вайсковага нападу з боку Расіі арт-паб  быў вымушаны згарнуць     сваю дзейнасць, а яго ўладальнік пераехаў у Польшчу.

Сяргей Пальчэўскі