Памкненне правесці суботнік на будаўніцтве новага аб’екта інфраструктуры зразумелае: тут  яшчэ шмат працы, будаўнічыя арганізацыі не спраўляюцца, але адкрыццё запланавана ўжо праз месяц.   

Дарэчы, адкрыццё новай плошчы анансавалі яшчэ ў канцы мінулага года, але не паспелі. Потым старшыня аблвыканкама заявіў, што ўсё гэта - да лепшага. Маўляў, паспеем зрабіць больш якасцна, а адкрыццё прымяркуем да нейкай “прыгожай даты”.

Адкрыцць плошчу вырашылі  да афіцыйнага свята - Дня дзяржаўнага сцяга, герба і гімна Рэспублікі Беларусь, які адзначаецца ў другую нядзелю траўня. Гэта ўжо абвешчана, а вось кошт укладзеных бюджэтных сродкаў - дагэтуль таямніца.

Адзіная дэталь, якую падкрэсліваюць дзяржаўныя СМІ, - гэта інфармацыя пра тое, што ўласна флагшток для дзяржаўнага сцягы Віцебску падарыў мецэнат. І таму, маўляў, гэта бюджэту нічога не каштавала.

Марыя Каштанава