Сёння намеснік старшыні ПЦ “Вясна” і віцэ-прэзідэнт Міжнароднай арганізацыі за правы чалавека (FIDH) Валянцін Стэфановіч адзначае свой 49-ы Дзень народзінаў. На жаль, наш калега не зможа сустрэць яго ў коле сям’і ды сяброў, а вымушана знаходзіцца за кратамі за сваю праваабрончую дзейнасць.
Прадстаўнікі розных праваабрончых арганізацый віншуюць Валянціна Стэфановіча са святам і дасылаюць прамяні падтрымкі з розных куткоў свету.
Прэзідэнтка FIDH Аліс Магвэ накіравала праваабаронцу віншаванні і адзначыла:
“Вы заўсёды ў нашых думках і асабліва сёння, 14 кастрычніка ў ваш дзень нараджэння мы думаем пра Вас”.
Дэпутат нямецкага Бундэстага Антон Хофрайтэр, які з’яўляецца сімвалічным "хросным" Стэфановіча ў межах кампаніі салідарнасці #WeStandByYou ад Libereco – партнёрства за правы чалавека, запісаў відэазварот (з субтытрамі) для Валянціна да Дня народзінаў.
“Я вельмі паважаю вашу мужнасць. Перш за ўсё, за тое, што вы не маўчыце ў абарону правоў чалавека, дэмакратыі і свабодных выбараў - хоць вы і занадта добра ведаеце наступствы дыктатуры.
У ваш Дзень нараджэння я хацеў бы сказаць вам - мы побач з вамі!”, - сказаў Антон Хофрайтэр.
Старшыня Östgruppen - Шведскай ініцыятывы за дэмакратыю і правы чалавека Марцін Угла напісаў на сваёй старонцы ў фэсбуку віншаванні Валянціну:
"Дарагi Валiк! Вiншую з Днём нараджэння! Ты самы круты праваабаронца, якога я ведаю! Чакаю на волi!"
Нагадаем, праваабаронца "Вясны" Валянцін Стэфановіч быў затрыманы 14 ліпеня. У яго дома дабыўся вобшук, у выніку чаго канфіскавалі ўсю тэхніку, а самаго праваабаронцу павезлі на допыт, пасля чаго змясцілі пад варту.
Валянціну Стэфановічу прад'яўленныя абвінавачванні ў арганізацыі дзеянняў, якія груба парушаюць грамадскі парадак (арт. 342 КК), і ўхіленні ад выплаты падаткаў (арт. 243 КК).
Дасылайце віншаванні Валянціну:СІЗА-1. 220030, г. Мінск, вул. Валадарскага, 2 Стэфановічу Валянціну Канстанцінавічу |
Крыніца: З Днём народзінаў, Валянцін! Відэа