10 снежня ў 16:00 анлайн пройдзе традыцыйная цырымонія ўручэння Нацыянальнай Прэміі праваабарончай супольнасці.

Сёння, 8 снежня, быў названы шорт-ліст Прэміі праваабарончай супольнасці. Праваабаронцы вылучылі кандыдатаў у трох катэгорыях: «Праваабаронца года», «Журналіст/ка года», «Праваабарончая кампанія/ініцыятыва года».

У намінацыі «Праваабронца года-2020» у спіс увайшлі:

• Таццяна Агеева;

• Павел Левінаў;

• Марфа Рабкова.

У намінацыі «Журналіст/ка года-2020» вылучаныя:

• Кацярына Андрэева, Белсат;

• Кацярына Барысевіч, TUT.BY;

• Дар’я Чульцова, Белсат.

За званне лепшай «Праваабарончай кампаніі/ініцыятывы года-2020» будуць змагацца:

• Кампанія ByCOVID19;

• Валанцёрская служба «Вясны»;

• Кампанія «Праваабаронцы за свабодныя выбары».

Запрашаем на прагляд цырымоніі абвяшчэння лаўрэатаў Прэміі праваабарончай супольнасці-2020, якая адбудзецца ў 16.00 гадзін 10 снежня, у Дзень прыняцця Усеагульнай дэкларацыі правоў чалавека.

Названыя лаўрэаты Нацыянальнай прэміі за дасягненні ў галіне правоў чалавека

У Міжнародны Дзень правоў чалавека, 10 снежня, у Мінску ўручылі Нацыянальную прэмію за дасягненні ў галіне правоў чалавека ў 2019 годзе.

Крыніца: Уручэнне Нацыянальнай Прэміі праваабарончай супольнасці Беларусі адбудзецца 10 снежня