Прэзентуем трэці выпуск праваабарончага падкаста "Вясна прыйдзе". Прысвечаны ён сваякам тых, хто быў асуджаны да смяротнага пакарання. Хтосьці з асуджаных яшчэ жывы, а ў дачыненні да іншых была ўжытая “вышэйшая мера пакарання”.
Паўла — сына Тамары Сялюн — растралялі ў 2014 годзе.
Генадзя — бацьку Аляксандры Якавіцкай — у 2016 годзе.
Братоў Станіслава і Іллю Косцевых 10 студзеня 2020 года прыгаварылі да вышэйшай меры пакарання. Іх сястра Ганна зараз змагаецца за іх жыццё.
У пасведчанні аб смерці расстраляных напісана “убыл по приговору”. Чаму менавіта такая фармулёўка?
Як жывуць сваякі асуджаных і што яны адчуваюць?
Беларусь — апошняя краіна Еўропы, дзе існуе смяротнае пакаранне. Праваабаронцы выступаюць супраць яго, але гэта не азначае, што яны апраўдваюць злачынствы асуджаных. Кожны чалавек павінен несці пакаранне, адпаведнае здзейсненаму. Але расстрэл такім пакараннем не з’яўляецца.
Падпісвайцеся на падкаст "Вясна прыйдзе" на Soundcloud, каб атрымліваць паведамленні пра новыя выпускі!
Людзі з псіхічнымі расстройствамі. Другі выпуск падкаста "Вясна прыйдзе"
Крыніца: Сваякі асуджаных да смяротнага пакарання. Трэці выпуск праваабарончага падкаста Аўдыё