У Гомельскім абласным судзе 30 жніўня вынесены прысуд Паўлу Ганчарыку. Яго абвінавацілі ў распальванні расавай, нацыянальнай, рэлігійнай альбо іншай сацыяльнай варожасці або варажнечы (ч. 1 арт.130) і абразе прэзідэнта (ч.1 арт. 368).
Справу разглядала суддзя Людміла Грынько.
Палітзняволены Павел Ганчарык быў затрыманы 30 верасня 2021 года і да суда ўтрымліваўся ў Следчай турме №8 у Жодзіна.
Падставай для крымінальнага пераследу сталі каментары ў інтэрнэце пасля гібелі ў мінскай кватэры супрацоўніка КДБ Дзмітрыя Федасюка і it-спецыяліста Андрэя Зельцэра.
Суд прызнаў Ганчарыка вінаватым і пакараў пазбаўленнем волі тэрмінам на тры гады ў калоніі агульнага рэжыму.