У судзе Бабруйскага раёна і Бабруйска 2 жніўня павінны былі быць абвешчаныя прысуды Ігару Казлову, Канстанціну Ермаловічу, Віталю Мінкевічу, Наталлі Кед і Надзеі Полькінай. Аднак па невядомай прычыне судовае пасяджэнне перанеслі. вінавацяць у стварэнні арганізацыі для ажыццяўлення тэрарыстычнай дзейнасці або ўдзел у ёй (ч. 2 арт. 290-4 Крымінальнага кодэкса); акце тэрарызму (ч.2 арт. 289 Крымінальнага кодэкса); пагрозе здзяйснення акта тэрарызму; (ч.2 арт. 290 Крымінальнага кодэкса) і абразе прэзідэнта Рэспублікі Беларусь (ч.1 арт. 368 Крымінальнага кодэкса).
Судовы працэс вяла ў закрытым рэжыме суддзя Наталля Агладкова.
Улетку і восенню 2021 года, па інфармацыі УУС Магілёўскага аблвыканкама, каля чыгуначнай станцыі Мірадзіна быў знойдзены прадмет, падобны на выбуховае прыстасаванне. Падобныя прадметы былі знойдзеныя работнікамі чыгункі 24 і 31 жніўня паміж рэйкамі каля чыгуначнай станцый Цітоўка і Бабіна, а таксама 16 верасня прадаўцом "Табакеркі" каля самага гандлёвага кіёска ў Бабруйску.
Таксама сілавікі палічылі тэрактам падпал стралковага ціра, які належыць вайсковай частцы 5527 (Бабруйск).
Канстанцін Ермаловіч, Віталь Мінкевіч, Ігар Казлоў былі затрыманыя 26 верасня 2021 года, да суда іх утрымлівалі ў СІЗА-5.
Што вядома пра асуджаных?
"Новы Час" сабраў інфармацыю пра абвінавачаных бабруйчан.
- Канстанцін Ермаловіч нарадзіўся ў Літве ў 1991 годзе, але пражывае ў Бабруйску, унесены ў спіс «тэрарыстаў».
- Віталь Мінкевіч нарадзіўся ў 1994 годзе. Вядома, што Віталь працаваў у абутковай краме ў Бабруйску. Хлопец таксама ўнесены ў спіс «тэрарыстаў».
- Ігар Казлоў нарадзіўся ў 1975 годзе, працаваў на «Бабруйскім заводзе трактарных дэталяў і агрэгатаў», унесены ў спіс «тэрарыстаў».
- Наталля Кед нарадзілася ў расійскім Арзамасе, але з'яўляецца грамадзянкай Беларусі, пражывае ў Бабруйску. Афіцыйна не была працаўладкавана, таму апошняе месца працы невядома.
- Надзея Полькіна — працаўніца «Бабруйсктрыкатажу», жыхарка Бабруйску. Апошні раз была ў сацсетках 18 сакавіка, мажліва, у гэты дзень яна і была затрыманая.
Усіх траіх юнакоў КДБ унёс у “спіс асоб, датычных да тэрарыстычнай дзейнасці”.
Пракурор на папярэднім судовым пасяджэнні запрасіў для Канстанціна Ермаловіча — 17 гадоў пазбаўлення волі ў калоніі ўзмоцненага рэжыму, Віталю Манкевічу — 16 гадоў, Ігару Казлову — 15 гадоў. Наталлю Кед абвінавачанне прасіла асудзіць на 2 гады "хатняй" хіміі, а Надзею Полькіну хочуць адправіць на два гады ў калонію агульнага рэжыму.
Абвінавачанне запрасіла вялізныя тэрміны зняволення для некалькіх бабруйскіх "тэрарыстаў"
Чакаецца, што прысуд агучаць 10 жніўня, паведамляе MAYDAY.TEAM.
Крыніца: У Бабруйску перанеслі прысуд групе жыхароў, абвінавачаных у тэрарызме