Міжнародны савет па рэабілітацыі ахвяр катаванняў (IRCT) і Сусветная арганізацыі супраць катаванняў (OMCT) запрашае зацікаўленых асоб на віртуальнае паралельнае мерапрыемства падчас 49-й сесіі СПЧ, прысвечанай Беларусі, якое адбудзецца 17 сакавіка 2022 года ў 13.30. У той жа дзень, 17 сакавіка 2022 года, УВКПЧ прадставіць Савету па правах чалавека ААН (СПЧ) свой Даклад па сітуацыі з правамі чалавека ў Беларусі, пасля чаго СПЧ прыме рашэнне аб магчымым падаўжэнні мандата. Дадзенае паралельнае мерапрыемства арганізавана для абмеркавання высноў УВКПЧ і ролі грамадзянскай супольнасці і экспертаў УВКПЧ у справе прыцягнення да адказнасці за катаванні і іншыя парушэнні правоў чалавека, а таксама далейшых крокаў міжнароднай супольнасці.
Дакладчыкі:
- Карынна Маскаленка, экспертка ў рамках мандата УВКПЧ па разглядзе пытання аб становішчы ў галіне правоў чалавека ў Беларусі;
- Павел Сапелка, прадстаўнік Праваабарончага цэнтра «Вясна» і сукіраўнік міжнароднай платформы для Беларусі па прыцягненні вінаватых да адказнасці (IAPB);
- Наталля Херше, былая палітычная зняволеная ў Беларусі;
- Джэймс Лін, каардынатар праграмы "Стамбульскі пратакол", прадстаўнік Міжнароднага савета па рэабілітацыі ахвяр катаванняў (IRCT).
Мерапрыемства вядзе Джэральд Стаберок, Генеральны сакратар Сусветнай арганізацыі супраць катаванняў (OMCT). З уступным словам выступяць Дарус Станюліс, пасол Пастаяннага прадстаўніцтва Літвы пры ААН у Жэневе, і Ларс Вольк Мадсен, намеснік пастаяннага прадстаўніка Даніі пры ААН у Жэневе.
Мерапрыемства праводзіцца пры падтрымцы пастаянных прадстаўніцтваў Літвы, Даніі, Швейцарыі, Нарвегіі, Швецыі, Фінляндыі, Вялікабрытаніі і Фонду «Дом правоў чалавека», Міжнароднай федэрацыі па правах чалавека і Праваабарончага цэнтра «Вясна».
