Звесткі пра тое, што Аляксандр Сівашэнка быў намеснікам старшыні райвыканкаму, захоўвае інтэрнэт. Праўда, у адпаведнасці з дзейнай версіяй афіцыйнага сайта Чашніцкага райвыканкаму, гэтага прозвішча больш няма ў складзе кіроўнай вертыкалі. Найхутчэй, спадар Сівашэнка выйшоў на пенсію, бо ў жніўні яму мае споўніцца 72 гады.
Чашніцкая раённая газета «Чырвоны прамень» у 2016г. прысвяціла асобны артыкул віншаванням Аляксандра Сівашэнкі з 65-годдзем, поўны хвалебных эпітэтаў: «с А. И. Сивошенко всегда работать было легко в силу его высокого профессионализма и компетентности, умения находить правильные решения и нужные слова в любой ситуации. Тактичность и вежливость его, интеллигентность, искреннее желание помочь располагают, вызывают уважительное отношение. Он из тех, на кого можно положиться. Во всём и всегда…»
Пра тое, што былы намеснік страшыні райвыканкаму ёсць чалавекам, адданым сістэме, сведчыць ягоны ўдзел у выбарчых кампаніях: у 2017 і ў 2020 гадах Сівашэнка быў чальцом Чашніцкай акруговай выбарчай камісіі, ён вылучаўся ад ветэранскай раённай арганізацыі.
Застаецца загадкай, якім чынам у сацыяльных сетках былога чыноўніка знайшлі «кампрамат». За падобныя правапарушэнні сённяшнія суды даюць «суткі» і штрафы. Найверагодней, былога старшыню райвыканкаму суд усё-ткі пашкадуе і не накіруе пад арышт.
Лявон Каляда