Палітзняволеная каардынатарка валанцёрскай службы ПЦ "Вясна" Марыя Рабкова паведаміла сваякам у лісце, што ёй прад'яўленыя канчатковыя абвінавачванні, па якіх яе будуць судзіць — гэта 11 артыкулаў Крымінальнага кодэкса Рэспублікі Беларусь. 
Спіс артыкулаў:
- 293 (Арганізацыя масавых беспарадкаў)
- ч. 1. арт .13 да ч.2 арт. 293 (Падрыхтоўка і наўмыснае стварэнне ўмоў да ўдзелу ў масавых беспарадках)
- ч. 3. арт. 293 (Навучанне ці іншая падрыхтоўка асоб для ўдзелу ў масавых беспарадках, а роўна фінансаванне ці іншае матэрыяльнае забеспячэнне такой дзейнасці)
- ч. 1. арт. 342 (Арганізацыя групавых дзеянняў, якія груба парушаюць грамадскі парадак)
- ч. 3. арт. 361 (Заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь з выкарыстаннем сродкаў масавай інфармацыі або глабальнай кампутарнай сеткі Інтэрнэт)
- ч. 1. арт. 361-1 (Стварэнне экстрэмісцкага фарміравання)
- ч. 1. арт. 285 (Кіраўніцтва злачыннай арганізацыяй)
- ч. 3. арт. 130 (Распальванне сацыяльнай варожасці групай асоб)
- ч. 2. арт. 339 (Злоснае хуліганства)
- ч. 3. арт. 339 (Асабліва злоснае хуліганства)
- арт. 341 (Апаганьванне збудаванняў і псаванне маёмасці)
- ч. 3. арт. 218 (Наўмысныя знішчэнне або пашкоджанне чужой маёмасці учыненыя арганізаванай групай)
- ч. 2. арт. 295-3 (незаконныя дзеянні ў дачыненні да прадметаў дзівіць дзеянне, якія заснаваныя на выкарыстанні гаручых рэчываў, учыненыя групай асоб)
Рабкова перадала, што акрамя "народных" пратэсных артыкулаў (такіх як арт. 293 і арт. 342), ёй ставяць у віну некалькі так званых "вісякоў" (у жаргоне сілавікоў гэтым словам абазначаюцца шматгадовыя нераскрытыя злачынствы). З усіх удзельнікаў працэсу ўзятыя падпіскі аб невыдаванні, таму Рабкова лічыць, што суд будзе закрытым з-за адкрытых фальсіфікацый доказаў.
Цяпер праваабаронцы пагражае да 15 гадоў пазбаўлення волі. Рабкова знаходзіцца ў зняволенні больш за 14 месяцаў і адмаўляецца даваць паказанні. Раней яна паведамляла сваякам у лістах, што супрацоўнікі міліцыі "паабяцалі" ёй тэрмін "паміж Бабарыка і Калеснікавай".
Перажывала, што "недавучаная". Студэнцкі шлях Марфы Рабковай
Падтрымайце палітзняволеную Марфу (Марыю) Рабкову лістамі салідарнасці!
Адрас для лістоў: СІЗА-1. 220030, г. Мінск, вул. Валадарскага, 2
* пашпартнае імя Рабковай — Марыя, таму лепш менавіта яго ўказваць для запаўнення бланкаў
Крыніца: "Паміж Бабарыка і Калеснікавай". Што пагражае Рабковай?