Праваабарончы цэнтр "Вясна" працягвае збіраць факты палітычнага пераследу. Грамадзян забіраюць з дому, затрымліваюць на працы, адбываюцца вобшукі і допыты. Таксама ўзбуджаюцца новыя крымінальныя справы. Улады ўзмацняюць розныя формы ціску і рэпрэсій на людзей за іх актыўную грамадзянскую пазіцыю і незадаволенасць дзеяннямі ўладаў.
Калі вас ці вашых блізкіх затрымалі, паведамляйце нам праз тэлеграм-бот @viasna_bot ці на гарачую лінію:
|
Мінск
У Мінску раніцай затрыманы журналіст Ілля Дабратвор. Ён паспеў патэлефанаваць і паведаміў, што затрымліваюць, паведамляе чат “Краіна для жыцця”.
У Беларусі заблакавалі доступ да сайта валанцёрскага праекта Probono.by.
Гэта агрэгатар адкрытых ініцыятыў дапамогі пацярпелым і тым, хто жыве ў нястачы, піша TUT.BY.
Наваградак
Паведамляюць, што сёння ў Наваградскі Следчы камітэт выклікалі каля 30 чалавек позвамі. Ва ўсіх да гэтага ёсць хоць бы адзін пратакол па 23.34 КаАП.
Звязана гэта з расследаваннем справы аб змешчанай у Telegram інфармацыі пра пракурора Шляжко. Пра гэта піша тэлеграм-канал Белсат.
Інфармацыя будзе дапаўняцца.
Крыніца: Працягваецца блакаванне сайтаў, адбываюцца затрыманні: хроніка пераследу 17 траўня