Прэвентыўны нагляд заключаецца ў назіранні органаў унутраных спраў за выкананнем вызваленым з папраўчай установы паднаглядных асобай устаноўленых судом часовых абмежаванняў яго правоў і свабод, а таксама за выкананнем ім абавязкаў, прадугледжаных Крымінальным кодэксе.

Міхаіл выйшаў на волю 19 лютага 2021 года. У дачыненні да яго быў усталяваны прэвентыўны нагляд на 2 гады. Былы палітвязень цягам гэтага тэрміну быў абавязаны 2 разы на месяц з'яўляцца для рэгістрацыі ў органы ўнутраных спраў, яму забаранялася наведваць крамы, кавярні і гандлёвыя палаткі ў мэтах набыцця алкагольных напояў.

Восенню 2021 году ў судзе Кастрычніцкага раёна Віцебску разглядзелі просьбу Кастрычніцкага РАУСа аб змяненні патрабаванняў прэвентыўнага нагляду ў дачыненні да Жамчужнага. Супрацоўнікі хацелі зрабіць рэжым нагляду больш жорсткім, бо, на іх думку, Міхаіл «не стаў на шлях выпраўлення» — парушыў на ровары правілы дарожнага руху. Але суддзя Сяргей Будрэвіч палічыў патрабаванні міліцыянтаў неабгрунтаванымі.

Іван Чайка