Паважаны спадар Старшыня, сябры Камітэта.
Урад Рэспублікі Беларусь сістэматычна на працягу двух дзесяцігоддзяў парушае канвенцыі МАП №87 і 98. Аднак у многім дзякуючы прынцыповай увазе з боку Камітэта незалежныя прафсаюзы да 2022 года заставаліся апошнімі арганізацыямі грамадзянскай супольнасці ў Беларусі, якія не былі знішчаны дзяржавай.
На леташняй канферэнцыі прадстаўнік урада назвала Беларускі Кангрэс Дэмакратычных прафсаюзаў антыдзяржаўнай дэструктыўнай структурай, і фактычна анансавала дзеянні, якія рушылі за гэтым, якія істотна пагоршылі сітуацыю са свабодай аб'яднання ў нашай краіне: арышты, затрыманні, ператрусы. Прызнаны экстрэмісцкімі і ліквідаваны пярвічныя арганізацыі дэмакратычных прафсаюзаў на прадпрыемствах. Прызнаны экстрэмісцкай арганізацыяй суб'ект Кангрэса Прафсаюз Радыёэлектроннай Прамысловасці. (РЭП).
Эскалацыя прамых рэпрэсій адбылася 18-19 красавіка 2022 года. Тады аднамомантна былі арыштаваныя КДБ больш за 20 прафсаюзных кіраўнікоў і выбарных лідэраў. У тым ліку старшыня БКДП, сябра Адміністрацыйнай рады МАП, віцэ-прэзідэнт МКП Аляксандр Ярашук; намеснік старшыні БКДП Сяргей Антусевіч.
Ужо паўтара месяца кіраўніцтва БКДП, прызнанае палітычнымі вязнямі, знаходзіцца за кратамі. Адпушчаны толькі некаторыя лідары і наёмныя супрацоўнікі.
Напярэдадні Міжнароднай Канферэнцыі Працы за краты адпраўлены старшыня Беларускага Незалежнага прафсаюза, выконваючы абавязкі старшыні БКДП Максім Пазнякоў і старшыня Незалежнага прафсаюза гарнякоў ААТ Беларуськалій Аляксандр Мішук. Асуджаная на два гады зняволення віцэ-старшыня РЭП Зінаіда Міхнюк.
Урад Рэспублікі Беларусь дакладна дае зразумець, што не збіраецца выконваць рэкамендацыі Камісіі па расследаванні; наадварот, дэманструе, што лічыцца з МАП і яе нагляднымі органамі не мае намеру.
Мы разлічваем, што будуць прыняты дзейсныя рашэнні, якія прадугледжаны Статутам Міжнароднай Арганізацыі Працы ў выпадку шматгадовых, найгрубейшых паўтаральных парушэнняў асноватворных правоў.
Заклікаем Камітэт прыняць патрабаванне аб неадкладным вызваленні ўсіх прафсаюзных лідэраў і актывістаў, якія знаходзяцца ў зняволенні ў сувязі з ажыццяўленнем імі законнай прафсаюзнай дзейнасці. Дзякуй за ўвагу.