У Полацку 21 сакавіка адбылася дыскусія аб магчымасьцях удзелу ў мясцовым самакіраваньні. З палачанамі сустрэліся экспэрты ў галіне самакіраваньня мясцовых супольнасьцяў праваабаронца Леанід Гаравы і юрыст Міхаіл Пліска. Грамадзяне яшчэ маюць магчымасьці ўплываць на прыняцьце рашэньняў на мясцовым узроўні, але гэтыя магчымасьці мінімальныя. Беларусам яшчэ далёка да эўрапейскіх стандартаў ўдзелу грамадзян у кіраваньні жыцьця ў сваёй мясцовасьці і, тым больш, у сваёй краіне.

Суд Чыгуначнага раёну Віцебску 18 красавіка разгледзеў адміністрацыйную справу паводле артыкулу 24.4 КаАП (Заведама ілжывыя тлумачэньні або заява) у дачыненьні да Ларысы С., маці начальніка аднаго з РАУС абласнога цэнтру, палкоўніка міліцыі Сяргея С. Жанчына прызнаная вінаватай у дачы ілжывых паказаньняў і аштрафаваная на 10 базавых – 2,1 мільёну рублёў.

Свабодны прафсаюз 16 красавіка правёў пікет на прахадной полацкага заводу «Шкловалакно» на знак пратэсту на непрацягненьне кантракту з актывістам прафсаюзу Міколам Шарахам.

Алег Маліноўскі разам з жонкай і сынам туліцца ў адным пакоі цешчынай кватэры. Кватэра знаходзіцца на чацьвёртым паверсе. Ліфта ў доме няма. Таму каб спусьціцца па лесьвіцы і выбрацца на двор, інвалід-вазочнік павінен рызыкаваць жыцьцём.

Падаткавікі патлумачылі свае дзеяньні адсутнасьцю суправаджальных дакумэнтаў на тавар. На думку лідэра грамадзкага аб’яднаньня «Пэрспэктыва» Анатоля Шумчанкі, гэта паказальны прыклад, які кажа пра тое, што чакае прадпрымальнікаў у будучым годзе.

У Глыбокім грамадзкія актывісты зладзілі вулічную акцыю па раздачы мінакам стужак зь беларускім арнамэнтам. «У глыбоцкіх крамах не знайшлі стужак зь бел-чырвона-белым узорам, але ўсё адно вырашылі раздаць стужкі, хоць і з дадаткам зялёнага колеру, бо гэта таксама нейкі напамін людзям пра беларускасьць”, – распавёў удзельнік акцыі Зьміцер Лупач.

Палітвязень Ігар Аліневіч, якога трымаюць ў віцебскай калёніі «Віцьба-3», нядаўна быў пераведзены ў іншы атрад, у які раней трапілі некаторыя былыя начальнікі, міліцыянты, пракуроры і судзьдзі. Паводле Ігара Аліневіча, паводзяцца яны цяпер гэтак, што пра былы высокі статус ніхто б не здагадаўся.

У студзені-лютым 2015 году будаўнікі Віцебскай вобласьці ўвялі ў эксплёатацыю каля 32 тысяч квадратных мэтраў жытла, чым і забясьпечылі вобласьці апошняе месца па краіне.

Набыў моц прысуд у дачыненьні да былога галоўнага бухгальтара Віцебскага цэнтральнага спартовага комплексу. Вэрдыкт суду: пакараньне ў выглядзе пазбаўленьня волі тэрмінам на пяць гадоў з адтэрміноўкай выкананьня пакараньня на тры гады з пазбаўленьнем права займаць пэўныя пасады.

Міністэрства працы і сацыяльнай абароны Рэспублікі Беларусь паабяцала ўлічыць прапанову праваабаронцы Леаніда Сьвеціка пры дапрацоўцы праекту нарматыўна-прававога акту, накіраванага на прафіляктыку сацыяльнага ўтрыманства.