Навуковец, заснавальнік праваабарончай установы «Пляцформа» Міхаіл Жамчужны ў лісьце з калёніі паведаміў, што атрымаў пасылку з кнігамі нобэлеўскай ляўрэаткі Сьвятланы Алексіевіч.

Актывісты «Маладой Беларусі» павіншавалі жыхароў Віцебску з Днём Волі. Напярэдадні сьвята яны вывесілі забаронены ўладамі бел-чырвона-белы сцяг на шматпавярховым будынку на скрыжаванні Маскоўскага праспэкту і вуліцы Чкалава.

Судовы працэс распачаўся 25 сакавіка ў Першамайскім райсудзе Віцебску і праходзіць у закрытым рэжыме. Зрабіць працэс закрытым – ініцыятыва судзьдзі Андрэя Прэйса. Даведаўшыся пра рашэньне судзьдзі, Сяргей Рыжоў прапанаваў зрабіць суд адкрытым, аднак судзьдзя не пагадзіўся. Сяргей Рыжоў заявіў суду адвод, але той ня быў прыняты.

У 2012 годзе губэрнатар Віцебскай вобласьці Аляксандар Косінец будаваў грандыёзныя пляны па прыцягненьні турыстаў у Полацак. Ля Спаса-Эўфрасіньнеўскага манастыра, паводле яго задумкі, мусіла зьявіцца пешаходная вуліца і гатэльныя комплексы. На рацэ – плывучы рэстаран і пракат лодак. Плянавалі нават пляцоўкі для пасадкі гелікоптэраў. Увесь праект ацэньваўся амаль у 250 мільёнаў даляраў.

Як стала вядома, некалькі дзён таму затрымалі беларускага байца батальёну «Азоў», 20-гадовага віцебчука Стаса. Гэтую інфармацыю пацьвердзілі ў «Азове».

Завод «Палімір», які ўваходзіць у склад ААТ «Нафтан», спыніў выпуск сынтэтычнага валакна Нітрон-З, аднаго з асноўных відаў сыравіны, якія выкарыстоўваюцца ў беларускай лёгкай прамысловасьці. Прадпрыемства пазбавілася каля 600 працоўных месцаў.

Віцебская вобласьць далучылася да шырокамаштабнай духоўна-асьветніцкай акцыі «Разам – у абарону жыцьця, маральнасьці і сямейных каштоўнасьцяў», абвешчанай Міністэрствам аховы здароўя Рэспублікі Беларусь.

У Віцебскай вобласьці 38 службовых асоб гарадзкіх раённых выканаўчых камітэтаў і арганізацыяў жыльлёва-камунальнай гаспадаркі прыцягнулі да дысцыплінарнай адказнасьці за дапушчаныя парушэньні падчас правядзеньня працэдур прыватызацыі. Пра гэта паведамілі ў Генэральнай пракуратуры Беларусі.

Актывіста выклікалі ў падатковую інспэкцыю, каб ён даў справаздачу пра свае даходы за апошнія 10 гадоў. Леанід Аўтухоў папрасіў даць дэклярацыю на беларускай мове, аднак яму адмовілі і заявілі, што згодна з пастановай Савету Міністраў дэклярацыі павінны быць толькі па-расейску. Таксама ў выпадку адмовы запаўненьня дэклярацыі актывіста прыстрашылі, што на яго складуць пратакол.

Як паведаміла афіцыйны прадстаўнік упраўленьня Сьледчага камітэту па Віцебскай вобласьці Іна Гарбачова, працягваецца расьсьледаваньне крымінальнай справы па факце выяўленьня ў Дубровенскім раёне ў лістападзе 2014 году трупа мужчыны 1982 году нараджэньня. Ён падарваўся на снарадзе часоў ВАВ. Загінулы захапляўся пошукам боепрыпасаў. Пра гэта сьведчаць паказаньні сваякоў, а таксама знойдзеныя на месцы здарэньня мэталашукальнік, чатыры боегалоўкі ад снарадаў, дэтанатары, фрагмэнты боепрыпасаў.