Сябра Аб'яднанай грамадзянскай партыі Ірына Яскевіч зьбірала подпісы, неабходныя для яе рэгістрацыі кандыдатам у дэпутаты, побач зь віцебскім гандлёвым цэнтрам «Эвіком». Падтрымаць сваю паплечніцу на пікет прыйшлі і сябры яе ініцыятыўнай групы.

Пікет, арганізаваны 13 ліпеня сябрамі грамадзянскай кампаніі «Гавары праўду» ля Чкалаўскага рынку ў Віцебску, выклікаў вялікую цікавасьць мясцовай грамадзкасьці.

Збор і перапрацоўка адкідаў, або адказнае спажываньне – пра гэта казалі ў Віцебску. Тут у абласной навукова-тэхнічнай бібліятэцы пад патранажам «ОДБ Брусэль» (Бэльгія) супольна з «Цэнтрам экалягічных рашэньняў» (Беларусь) прайшла сэктарныя дыскусія, прысьвечаная менавіта гэтай значнай тэме.

Чатыры базавыя велічыні або інакш 400 тысяч рублёў штрафу – такі прысуд вынесла 3 верасьня судзьдзя суду Чыгуначнага раёну Віцебску Алена Цыганкова мясцоваму апазыцыянэру Барысу Хамайду за заклік да байкоту парлямэнцкіх выбараў. Актывіст выйшаў на вуліцу Леніна з плякатам «Незаконным выбарам у незаконную “палатку” - байкот!». Як распавядае Барыс Хамайда, ён каля дзьвюх гадзінаў прастаяў з плякатам каля гэтак званага “сіняга дому”, затым апазыцыянэра затрымалі міліцыянты і адвезьлі ў Чыгуначны РАУС, дзе склалі пратакол за несанкцыянаваны пікет, а плякат адабралі:

Лідэра незарэгістраванай моладзевай арганізацыі “Малады фронт” Зьмітра Дашкевіча этапавалі з Глыбоцкай калёніі ў Віцебскі сьледчы ізалятар у ноч на 4 верасьня. Пра гэта паведаміла ў сваім акаўнце на Facebook ягоная нявеста Наста Палажанка: “Сёньня ўночы ў Зьмітра этап на Віцебскае СІЗА-2… Яго можна падтрымаць, даслаўшы паштоўку альбо тэлеграму па нумары 166 на адрэсу: Віцебск, Гагарына 2, СІЗА-2. 210026”.

Віцебскі праваабаронца Павал Левінаў зладзіў кампанію па інфармаваньні ўсіх пракурораў Віцебскай вобласьці аб Канвэнцыі супраць катаваньняў ды іншых жорсткіх, бесчалавечных альбо прыніжаючых чалавечую годнасьць відаў абыходжаньня й пакараньня. За паўтара месяца ён сустрэўся з 25 пракурорамі, яшчэ двум адаслаў матэрыялы па пошце. Праваабаронца пакідаў пракурорам ў якасьці інфармацыйных матэрыялаў выніковыя заўвагі па Беларусі Камітэту ААН супраць катаваньняў, прынятыя на 47-й сэсіі Камітэту.

Кандыдата ў дэпутаты па Віцебскай-Чкалаўскай выбарчай акрузе № 18 Аляксея Гаўруцікава выклікалі ў РАУС Першамайскага раёну Віцебску і вярнулі рэчы, канфіскаваныя 30 жніўня падчас вобшуку аўтамабіля, на якім ён вяртаўся зь Менску: “Учора, 4 верасьня, мяне запрасілі на размову ў Першамайскі РАУС Віцебску. Маёр міліцыі Сяргей Касаткін паведаміў, што рэчы ў мяне былі канфіскаваныя незаконна, і вярнуў мне іх. Вярнулі і “Народную праграму”, і дыскі дачкі Алісы, і дакумэнты кандыдаткі Алены Фаміной.

У чацьвер 6 верасьня на віцебскага апазыцыянэра Барыса Хамайду, які на рагу “сіняга дому” на вуліцы Леніна ў Віцебску распаўсюджваў незалежную прэсу, быў складзены адміністрацыйны пратакол. Хамайду абвінавацілі ў тым, што ён парушыў грамадзкі парадак, схапіўшы за руку загадчыцу прадуктовай крамы “Веста”.

За лідэрам міжнароднай арганізацыі “Малады фронт” (Чэхія) Зьмітром Дашкевічам у віцебскім сьледчым ізалятары № 2 усталявалі кругласутачнае назіраньне. Пра гэта паведаміла намесьніца старшыні арганізацыі Анастасія Палажанка. Паводле яе слоў, 5 верасьня яна разам з адвакатам Дашкевіча наведала СІЗА № 2. «Мяне да Дашкевіча, вядома, не пусьцілі, зь ім сустракаўся ягоны адвакат», - адзначыла Палажанка.

Тым ня менш кандыдат у дэпутаты Мікалай Петрушэнка за артыкул “От пущи до неволи: в тихом болоте черти водятся”, апублікаваны ў “Віцебскім кур’еры”, мусіць заплаціць 3 мільёны рублёў кампэнсацыі маральнай шкоды, а таксама 600 тысяч дзяржапошліны. Гэткае рашэньне агучыла 11 верасьня судзьдзя Талачынскага раённага суду Натальля Барысавец у паседжаньні па пазове старшыні раённай арганізацыі “Беларускае таварыства паляўнічых і рыбаловаў” Юрыя Лычкоўскага аб абароне гонару й годнасьці. Лычкоўскага абразіла тое, што аўтар згаданай публікацыі нібыта назваў яго браканьерам.