Яшчэ адзін з ранейшых арыштаў Андрэю Галавырыну прысудзілі за нібыта несанкцыянаванае пікетаванне (ч.1 арт. 24.23 КаАП) – за жоўта-блакітны сцяг на аватарцы ў сацыяльных сетках. Паводле сваякоў, у Наваполацкім ЦІПе актывіст перанёс гіпертанічны крыз, але гэта не паўплывала ні рашэнні суддзі Зінаіды Балаболавай, якая чатыры разы запар судзіла Галавырына.

1 жніўня на Полаччыне прайшоў яшчэ адзін суд над мясцовым актывістам. Да 25 сутак арышту быў асуджаны жыхар Полацку Сяргей Хвасцёнак, прыхільнік руху «За Свабоду», спартовец-аматар, арганізатар і ўдзельнік роварных падарожжаў. Падрабязнасці абвінавачання пакуль не вядомыя. Але мінулы раз, у кастрычніку 2021г., Хвасцёнак быў асуджаны на 10 сутак за рэпосты двух спасылак з канала, прызнанага экстрэмісцкім: пра музычны канцэрт і ЧС па хакеі.

Міхась Хмара