Мужчына паведаміў у скарзе, што супрацоўнік мясцовага РАУС, лейтэнант міліцыі, перавысіў свае службовыя паўнамоцтвы і фальсыфікаваў у дачыненьні да яго адміністрацыйныя матэрыялы па факце рэалізацыі вадкасьці з утрыманьнем сьпірту. Жыхар Браслава сьцьвярджаў, што міліцыянт перасьледаваў яго мэтанакіравана, бо раней ён адмовіў праваахоўніку бясплатна скарыстацца паслугамі аграсядзібы і лазьні.
«Намі была праведзеная ўважлівая праверка. Сьведчаньні, выкладзеныя ў звароце, свайго аб'ектыўнага пацьверджаньня не знайшлі. Наадварот, былі атрыманыя дакладныя дадзеныя аб тым, што яны заведама лжывыя і што жыхар Браслава наўмысна ўзьвёў паклёп на супрацоўніка», – патлумачыў начальнік упраўленьня па Віцебскай вобласьці ДУУБ МУС Дзьмітрый Лавянецкі.
Мужчына быў прыцягнуты да адміністрацыйнай адказнасьці і аштрафаваны судом Браслаўскага раёну на 10 базавых велічынь.
«Адстойваючы ў прававым полі свой гонар і службовую рэпутацыю, супрацоўнікі адстойваюць гонар і аўтарытэт усяго ведамства», – цытуе Дзьмітрыя Лавянецкага сайт УУС Віцебскага аблвыканкаму.